Arxiv
6 Avqust 2019, 17:25 | ÖLKƏ
Azərbaycanda daha bir 17 yaşlı qızın İNTİHARI - Babası Modern.az-a fəryad etdi: “Ürəyim parçalanır!”

Avqustun 5-dən 6-na keçən gecə Azərbaycanda daha bir yeniyetmə qız intihar edib. Hadisə Cəlilabad rayonunun Əliqasımlı kəndində qeydə alınıb. - 17 yaşlı qızın erkən nikaha məcbur edilməsi səbəbindən canına qıydığı iddia olunur.


Cəlilabad rayonu İcra Hakimiyyətinin Əliqasımlı kənd inzibati ərazi dairəsi üzrə nümayəndəsi Şirinalı Kazımov
Modern.az-a intihar faktını təsdiqləsə də, səbəb barədə iddianı təkzib edib.


Ş. Kazımov bildirib ki, hazırda Aysun Maqsud qızı Hacıyevanın intiharı ilə bağlı araşdırma aparılır:

“Aysunun anası və atası illər əvvəl boşanıb. Anası ayrıldıqdan sonra başqa bir rayona ərə gedib. Atası da başqa bir qadınla evlənib. İşləyib pul qazanmaq üçün Rusiyaya gedib. Aysun 3-4 yaşından nənə-babasının himayəsində böyüyüb. Özündən başqa bir bacısı, bir qardaşı var. Bacısı da nənəsigillə qalır, 16 yaşı var. Qardaşı isə atasındadır”.

 

İcra nümayəndəsi qızın erkən yaşda ərə verilməsi səbəbindən intihar etməsinin doğru olmadığını vurğulayıb:

“Bu, doğru məlumat deyil. Nə qızın psixi durumunda problem vardı, nə də kiməsə ərə verilirdi. Çünki kənddə belə söz-söhbət olmayıb. Ailə normal, tərbiyəli ailədir. Onun intihar etmə səbəbi istintaq araşdırmasından sonra bəlli olacaq. Hələlik bu barədə dəqiq informasiya yoxdur. Ölümü müəmmalıdır, kəndlilərin bildirdiyinə görə, kimsə ona təzyiq etməyib”.


Kənd rəsmisi qeyd edib ki, Aysunun atası artıq Azərbaycana qayıdır, yoldadır: “Anası isə artıq Əliqasımlı kəndindədir. Hər halda istintaq araşdıracaq”. 


İntihar edən Aysunun babası İlyas Hacıyev nəvəsinin özünəqəsdi ilə bağlı Modern.az
-a ürək yanğısı ilə danışıb. O, nəvəsinin erkən nikaha məcbur edilməsi faktını isə qətiyyətlə inkar edib:

“Ümumiyyətlə, Aysuna elçi gəlməsi, onun kiməsə ərə verilməsi söhbəti belə olmayıb. Mənim 70-ə yaxın yaşım var, özüm ziyalı ailədənəm. Mənim atam “Lenin” ordeninə layiq görülmüş adamdır. Mən 1 Aysunumu 10 oğula dəyişməzdim. O, elə bir tərbiyənin, əxlaqın sahibi idi ki... İnana bilmirik bu intihara”.


Babanın sözlərinə görə, anası uşaqları atıb gedəndən sonra Aysun çox xiffət edirmiş:

“Ana 3 uşağı atıb getdi ərə, sonra iki uşağı da oldu. Neçə illərdir arayıb-axtarmırdı. Uşaqların üçünü də mən saxlamışam. Oğlum da evlənəndən sonra 16 yaşlı qızla 13 yaşlı oğlan nəvələrim analıqlarıın yanında qalır. Aysunun bacısı ruhi xəstədir. Onların ayrı evi var. Aysun, mən, nənəsi bir yerdə yaşayırdıq. 18 yaşına təzəcə qədəm qoymuşdu Aysunum. Gözəllər gözəli idi, uzun saçları vardı. Ürəyim parçalanır. 24 nəvəm var, biri azaldı. Mən nəvələrimdən ötrü başımdan keçərəm. Aysunum özünə necə qıydı, anlamıram. Elə fərəhlənirdim Aysunumla. Arzum onun toyunu görüb ölmək idi, amma olmadı”.


Babanın sözlərinə görə, Aysun “Space” telekanalında xəbərlər buraxılışını izlədikdən sonra bu addımı atıb:

“Bacısı bizdə idi. Aysun bacısına deyib ki, telekanal sabah toyu olacaq 17 yaşlı qızın özünü asdığı barədə xəbər verib. Elə bundan sonra da gedib özünü asıb. Belə xəbərlər yayıldıqca, gənclərimizin beyini pozulur”.

 

İ.Hacıyev bildirib ki, oğlu Rusiyaya yenicə gedibmiş:

“Çoxdandır Qaradağda fəhlə işləyirdi. Dedilər Krımda iş yeri açılıb. 1 həftə idi getmişdi, balasının ölümünü eşidib, indi Azərbaycana gəlir. Aysunun öz anası da dünən yasa gəlmişdi. Gəldi hay-küy saldı getdi. Olan balama oldu, gözəl Aysunuma oldu. Dünən torpağa tapşırdıq. Bizi saxlayan Aysun idi. Bizim qayğımıza qalırdı, dərmanımızı verirdi, təzyiqimizi ölçürdü. Yəqin biz də onsuz çox qalmarıq”.


Qeyd edək ki, xəbəri ilk olaraq "Report" yayıb.

Xatırladaq ki, bir neçə gün öncə Zaqatala rayonunda da oxşar hadisə baş verib. Orada 17 yaşlı Gülər İsmayılova özünü asıb. Onun nişanlı olduğu və intiharına səbəb kimi məcburi ərə verilməsi iddia olunub.

BU KATEQORİYADAN OLAN DİGƏR XƏBƏRLƏR
+ Arxiv
“Suqovuşan” elektrik stansiyaları 3 ay ərzində istismara veriləcək -VİDEO 5 Dekabr 2020, 12:46 Bakıda mənzildən meyit tapıldı 5 Dekabr 2020, 12:38 Paşinyan əsirlərin mübadiləsindən DANIŞDI 5 Dekabr 2020, 12:30 Sabahın hava PROQNOZU 5 Dekabr 2020, 12:24 Ədalət Vəliyev partiya sədrləri ilə görüş keçirdi 5 Dekabr 2020, 12:19 Azərbaycan nefti 50 dollara yaxınlaşır 5 Dekabr 2020, 12:12 Alimlər koronavirusla bağlı populyar mifi təkzib etdi 5 Dekabr 2020, 12:05 “Bütövləşən Azərbaycan - 44 günlük Zəfər Salnaməmiz” - VİDEO 5 Dekabr 2020, 12:00 Vəkillər Kollegiyası erməni təcavüzü ilə bağlı 230 beynəlxalq təşkilata müraciət etdi 5 Dekabr 2020, 11:54 Gürcüstanda yoluxma sayında yeni rekord 5 Dekabr 2020, 11:47 “Könüllülər ili”nə həsr olunmuş poçt markası hazırlanıb - FOTOLAR 5 Dekabr 2020, 11:40 Ermənistanda koronavirusa yoluxanların sayı 140 mini ötdü 5 Dekabr 2020, 11:32 Lənkəran sakini qohumunun evindən oğurluq etdi 5 Dekabr 2020, 11:24 Həlak olan mülki şəhidlərin ailələrinə ödənişlər TƏYİN OLUNDU 5 Dekabr 2020, 11:16 “Rəmiş” ləqəbli narkotacir saxlanıldı - FOTOLAR 5 Dekabr 2020, 11:08 Gələn ilin bayram günləri AÇIQLANDI 5 Dekabr 2020, 11:00 Prokurorluq daha 3 COVİD - 19 xəstəsinə cinayət işi başladı 5 Dekabr 2020, 10:52 Xaçmazda evlərdən oğurluq edən şəxs saxlanıldı - FOTOLAR 5 Dekabr 2020, 10:44 Cəbrayıl uğrunda şəhid olan baş leytenant - FOTO 5 Dekabr 2020, 10:36 Azercell RİİB –in təşəbbüsü ilə Könüllülərə güzəşt təqdim edir 5 Dekabr 2020, 10:28 Xudavəng monastrının dini varisləri geri qayıtdı - Monastra vaiz təyin olundu 5 Dekabr 2020, 10:20 Neft yenidən bahalaşdı 5 Dekabr 2020, 10:12 Bakıda restoranda ad günü keçirən model CƏRİMƏLƏNDİ 5 Dekabr 2020, 10:04 Köçəryan Ermənistanın Türkiyə ilə bağlı xain planından danışdı 5 Dekabr 2020, 09:56 Evini tərk edən daha 9 koronavirus xəstəsinə cinayət işi açıldı 5 Dekabr 2020, 09:48 Goranboyda şəhid ailələri və qazilərlə görüşlər davam edir 5 Dekabr 2020, 09:40 Bütün təhsil müəssisələrinə Zəfər Günü TƏKLİFİ 5 Dekabr 2020, 09:32 Zəkanı və yaddaşı artırmağın 15 yolu 5 Dekabr 2020, 09:24 İtaliyalı deputatlar Azərbaycana gəliblər - onlar Gəncə və Ağdama səfər edəcəklər 5 Dekabr 2020, 09:16 Göyçayda koronavirus xəstəsi küçədə saxlanıldı 5 Dekabr 2020, 09:08 “Lexus” hasara çırpılıb yandı 5 Dekabr 2020, 09:00 Kələmin faydaları 5 Dekabr 2020, 08:57 Moskvada daha 74 nəfər koronavirusdan öldü 5 Dekabr 2020, 08:48 Ömrü 10 il uzatmağın yolu 5 Dekabr 2020, 08:38 Çində 18 mədənçi öldü 5 Dekabr 2020, 08:26
SORĞU Cəbhə xəbərlərini hansı mənbədən alırsınız?