Arxiv
20 Avqust 2019, 08:34 | TƏHSİL
Bu il hansı universitetlər tələbələrinə yataqxana verə biləcək...

Ali məkəblərdə yenicə tələbə adı qazanmış gənclərin qeydiyyat prossesi davam etməkdədir. Hazırda qeydiyyatdan keçən tələbələrin əsas qayğılarından biri, hətta birincisi harda qalacağı ilə bağlıdır. Kirayə mənzillərin baha olması bir çoxlarına  çətinliklər yaşadır. Buna görə onlar qəbul olunduqları universitetlərin yataqxanasında qalmaq üçün yollar axtarırlar. Təbii ki, əgər belə yataqxanalar da varsa....

 

Modern.az saytı paytaxt və Sumqayıtda yerləşən əsas ali təhsil müəssisələrinin yataqxanalarının olub-olmaması ilə bağlı universitetlər arasında sorğu keçirib.

 

Bakı Dövlət Universitetinin mətbuat xidmətinin rəhbəri Pərvanə İbrahimova bildirib ki, bu ali təhsil ocağının yataqxanası hal-hazırda qəzalı vəziyyətdədir.

 

“Tələbələrin yeni yataqxanaya köçürülməsi istiqamətində iş aparılır, mövcud texniki şərtlər nəzərdən keçirilir”.

 

Neft və Sənaye Universitetinin mətbuat xidmətindən verilən məlumata əsasən, universitetin 320 nəfərlik tələbə yataqxanası var.

 

“Burada əsasən əcnəbi tələbələr qalır. Yerli tələbələr də müraciət edəndə, onlar da burada yerləşdirilirlər. Maddi cəhətdən aztəminatlı tələbələr ödənişsiz olaraq yataqxana ilə təmin olunurlar. Həmin tələbələr Tələbə Həmkarlar İttifaqı Komitəsinə müraciət edərək, heç bir problem olmadan yataqxanada yerləşdirilirlər. Ümumi ödəniş isə tələbə başına 30-50 AZN arasında dəyişir. Hazırda tələbələrin qaldığı yataqxana köhnədi, amma yenisi tikilir”.

 

Azərbaycan Dillər Universitetinin Tələbə Həmkarlar İttifaqı Komitəsinin sədri Şahin Sərdarlı bildirib ki, ali məktəbin 2 yataqxanası var.

 

“Həmin 2 yataqxanın biri oğlanlar üçün, digəri isə qızlar üçün nəzərdə tutulub. Oğlanlar üçün nəzərdə tutulan yataqxanada hazırda məcburi köçkün ailələri məskunlaşıb. Tələbələrimiz orda qalmır. Qızlar üçün nəzərdə tutulan yataqxananın 2 blokunda tələbələr, digərlərində yenə məcburi köçkün ailələri yaşayır. Hazırda 150-yə yaxn tələbə yataqxanamızda məskunlaşa bilib, onların da hamısı qızlardı. 2 il öncə universitetin yataqxanası təmir olundu, ümumi otaqlar hamısı yenidən quruldu. Yataqxananın oxu zalında tələbələr üçün müəyyən şərait yaratdıq. Daha sonra yataqxanaya wi-fi çəkildi, kitablar alındı. Aylıq ödənişi 20 manatdı. Əvvəlki dövrlərə baxdıqda tələbələr yataqxanadan indi daha çox razıdılar”.

 

Azərbaycan Pedaqoji Universitetinin İctimaiyyətlə əlaqələr və marketinq şöbəsinin müdiri Mənsur İbrahimov qeyd edib ki, hazırda Dərnəgül qəsəbəsində  universitetin 4 yataqxanası var.

 

“Həmin yataqxanalarda məcburi köçkünlər məskunlaşıblar. Ona görə də biz tələbələrimizi ora yerləşdirmək imkanından hələ ki məhrumuq. “Gənclik” metrostansiyasının yaxınlığında 2 saylı tədris binamız mövcuddur. Orda yataqxanamız var və 200 nəfərə yaxın tələbə yerləşdirə bilirik. Onlar da daha çox aztəminatlı ailələrin övladları olur. Aylıq ödənişi 70 manatdır”.

 

Odlar Yurdu Universitetinin mətbuat xidmətindən verilən məlumata görə,  universitetin yataqxanası yoxdur.

 

Sumqayıt Dövlət Universitetinin mətbuat katibi Nazxanım Cəlilli bildirib ki, universitetin 2 yataqxanası var.

 

“Yataqxanalarda məcburi köçkünlər yaşayırdı. Hazırda 8-9 nəfər qalıb. Qalan köçkünlər başqa yerlərə köçürülüb. Həmin 8-9 nəfər də başqa yerlərdə yerləşdiriləndən sonra yataqxanalarda təmir işləri gedəcək və artıq tələbələrin qalması üçün şərait yaradılacaq”.

 

Bakı Slavyan Universitetinin mətbuat katibi İbrahim Quliyev bildirib ki, universitetin 4 yataqxanası var.

 

“Yataqxananın 2-sində məcburi köçkünlər yaşayır. Bir yataqxanamızın 2-ci  mərtəbəsində tələbələr, qalan mərtəbələrində məcburi köçkünlər yaşayır. Digər yataqxanamız da həmçinin məcburi köçkünlərlə bölüşdürülüb. Yataqxanamızda daha çox əcnəbi tələbələr qalır və orada hər cür şərait yaradılıb. Aylıq ödənişi 50 manatdır”.

 

Azərbaycan Memarlıq və İnşaat Universitetinin mətbuat katibi Nəcibə  Mirzəyeva qeyd edib ki, universitetin 5 tələbə yataqxanası var.

 

“Yataqxanaların 4-də məcburi köçkünlər yerləşdirilib. Bir yataqxana bizdədi, 250 tələbə yerləşdirmək mümkündür. Yataqxana köhnədir, amma universitet öz hesabına təmir edib. Xidmət isə yaxşı səviyyədədir”.

 

Azərbaycan Tibb Universitetinin mətbuat katibi Günel Aslanova bildirib ki, universitetin 6 yataqxanası var.

 

“Bir yataqxanada məcburi köçkünlər yerləşdirilib, digər 5 yataqxana isə fəaliyyətdədir. 1256 tələbə yerləşdirmək mümkündür. Ödəniş aylıq 50-60 manatdır, ödəniş otağa görə dəyişir. Yataqxanada xidmət yüksək səviyyədədir, wi-fi var, oxu zalımız, itirahət otaqlarımız var. Hər mərtəbədə həmçinin çamaşırxana mövcuddur. Yataqxana  daim isti və soyuq olmaqla su ilə təmin olunub. Oğlan və qız yataqxanalarımız ayrıdır. Əcnəbi tələbələrimizə də həmin yataqxanalarda mərtəbə ayrılıb, amma onlar da qız və oğlan qruplarına bölünür. Hazırda 3 saylı qız yataqxanamız təmirdədir”.

 

BU KATEQORİYADAN OLAN DİGƏR XƏBƏRLƏR
+ Arxiv
Koronavirusun dünyaya yayılma sürəti artıb 22 Fevral 2020, 23:16 Prezident Vatikanda Papa Fransisk ilə görüşdü - YENİLƏNİB 22 Fevral 2020, 22:57 Sumqayıtda 36 yaşlı şəxsin meyiti tapıldı 22 Fevral 2020, 22:44 Haftarın yüzə yaxın əsgəri məhv edilib 22 Fevral 2020, 22:30 "Patriot" sistemləri yenidən Türkiyədə 22 Fevral 2020, 22:13 Polislərin etiraz aksiyaları davam edir 22 Fevral 2020, 21:56 Mehriban Əliyeva Papa Cəngavər Ordeninin ən ali dərəcəsinə layiq görüldu - FOTO 22 Fevral 2020, 21:41 Messi poker etdi, “Barselona” zirvəyə qalxdı   22 Fevral 2020, 21:29 Xüsusi peşə təhsili müəssisələrinin vəzifələri artırıldı 22 Fevral 2020, 21:19 "Könüllülər İli" gənclərin fərdi inkişafına təkan verəcək - Umud Mirzəyev 22 Fevral 2020, 21:07 Azərbaycan Böyük Dəbilqədə ilk medalını qazandı 22 Fevral 2020, 21:02 Bakıda azyaşlılara siqaret satanlar cərimələndi 22 Fevral 2020, 20:47 Türkiyə daha bir şəhid verdi - FOTO 22 Fevral 2020, 20:34 Güney Azərbaycanda Xocalı ilə bağlı kampaniya 22 Fevral 2020, 20:16 Daha bir oyun koronavirusa görə təxirə salındı 22 Fevral 2020, 20:01 Məzahir Pənahov: “Kürdəmir Dairə Seçki Komissiyası buraxıla bilər” 22 Fevral 2020, 19:20 Yeni seçilən deputatların SİYAHISI 22 Fevral 2020, 19:14 MSK Naxçıvandakı bu dairədən şikayəti müzakirə etdi 22 Fevral 2020, 19:10 Elza Seyidcahanın seçkilərdən şikayətinə BAXILMADI - SƏBƏB 22 Fevral 2020, 19:04 MSK bu dairələrdən şikayətləri geri qaytardı 22 Fevral 2020, 18:56 Yasamalda namizəd 28 məntəqədə nəticələrin ləğvini tələb edib 22 Fevral 2020, 18:49 Tahir Rzayevin dairəsində də məntəqənin nəticəsi ləğv edildi 22 Fevral 2020, 18:38 İranda koronavirusa görə məktəblər bağlandı 22 Fevral 2020, 18:33 Şəhid hərbçimizin ölümündən əvvəl çəkilən son FOTOSU 22 Fevral 2020, 18:25 Məhkəmə Neftçalanın icra başçısı və digərlərilə bağlı QƏRAR VERDİ 22 Fevral 2020, 18:20 Prezident İlham Əliyev estoniyalı həmkarını təbrik etdi 22 Fevral 2020, 18:15 MSK-da Elman Nəsirov MÜZAKİRƏSİ 22 Fevral 2020, 18:08 Berlində Ümumavropa Qarabağ mitinqi başa çatdı - FOTOLAR 22 Fevral 2020, 18:00 Seçkinin nəticələri TƏSDİQLƏNDİ 22 Fevral 2020, 18:00 Su quyusunda meyiti tapılan ana və azyaşlı oğlu ilə bağlı rəsmi MƏLUMAT  22 Fevral 2020, 17:52 MSK beynəlxalq qrossmeysterin anasının şikayətinə BAXDI 22 Fevral 2020, 17:46 Pakistandan Azərbaycanın ərazi bütövlüyü ilə bağlı QƏTNAMƏ 22 Fevral 2020, 17:42 İlham Əliyev Yaponiya imperatorunu təbrik etdi 22 Fevral 2020, 17:36 Orduxan Qarabağ mitinqini çəkdiyinə görə Meydan TV-yə qarşı çıxdı 22 Fevral 2020, 17:30 Video bu dairədəki məntəqənin ləğvinə səbəb oldu 22 Fevral 2020, 17:28