Arxiv
9 Sentyabr 2009, 17:29 | MEDİA
Evləri köndələn...KIV

Milli Məclisin deputatlarına ev paylanıb. Sağlıqlarına qismət. Qanunvericilik orqanında yorulmadan çalışan deputatların ev, mənzil almağa tam haqqı var. “Modern.az” saytından bu xəbəri oxuyandan sonra yadıma özümüzün problemi düşdü.  Jurnalistlərin mənzil problemi... Qırxıncı qapıya dönmüş bu problem neçə vaxtı qəzet səhifələrini, oxucu qulaqlarını yağır edib.  Bu məmləkətdə jurnalist və şəxsi ev bir-biri ilə düz gəlməyən tərs mütənasibdir. 2005-ci ildə Parlament Jurnalistləri Birliyi bu təkliflə çıxış edəndə böyük ajiotaj yaratdı və jurnalistlərin arzularını xeyli qanadlandırdı.  Hamı sadəlövhcəsinə düşünürdü ki, mediaya tezliklə ev tikmək üçün torpaq ayrılacaq və jurnalist şəhərciyində hamı şad-xürrəm yaşayacaq. Amma sən öz saydığını say, gör Hacıbala müəllim nə sayır...
2005-ci ilin günəşli payız günlərinin birində Bakı Şəhər İcra Hakimiyyətinin başçısı Hacıbala müəllim kəmali-ədəblə bizi qəbul etdi.. Amma bu qəbula düşmək üçün jurnalistlərə bolşeviklərin Qış sarayına hucumu kimi Bakı Şəhər İcra Hakimiyyətinə “ştrum” eləmək lazım gəldi. 50 -ə yaxın jurnalistin təkidi və piketindən sonra cənab Abutalıbov bizi qəbul etməyə məcbur oldu. Yadımdadır, həddən artıq böyük və geniş otaqda ( belə otaqlar adətən 30-cu illər barədə olan filmlərdə partiya rəhbərlərinin iş yeri kimi göstərilir) oturan jurnalistlərə Hacıbala müəllim ciddi-cəhdlə başa salmaq istəyirdi ki, Bakıda boş torpaq yoxdur. O zamandan indiyə qədər  Bakıda jurnalistlərə ev tikmək üçün 100 sot torpaq tapılmır. Məsələ heç də torpaqda deyil, məsələ jurnalistlərə olan münasibətdədir. 
Qəribədir ki, jurnalistlərin mənzil məsələsi ən yüksək dairlərdə dəstəklənsə də, ortada nəticə yoxdur. Hamı məsuliyyəti bir-birinin üzərinə atır.  İndi də təklif edirlər ki, KİV-ə Dövlət Dəstəyi Fondunun elçi daşı üstündə oturaq. Ora ayrılan pullardan baş redaktorlar evsiz jurnalistlərin xətrinə imtina etsələr bəlkə məsələ düzəldi.  Nə olar, bunu da sınayarıq. Onsuz da islanmışın yağışdan nə qorxusu! 
Son sorğulara görə jurnalistika gömrük və digər sahələr kimi Azərbaycanda maraqlı sahələr siyahısına düşüb. Jurnalistikanın zahiri parıltısı uzaqdan çoxlarını çaşdırsa da, işin içində olanlar vəziyyətdən halidirlər. Azərbaycan jurnalistləri ən müdafiəsiz, sosial problemlər girdabında çabalayan bir toplumdur. Halbuki, bu kəsimin normal yaşaması üçün hər cür imkanları  var. Bu sahədə olan təşkilatsızlıq, idarəetmə xaosu əslində medianın inkişafını istəməyənlər üçün əlavə kozurdur. Çünki, jurnalistlərin normal həmkarlar ittifaqı olsaydı o zaman mənzil, sığorta, əmək müqaviləsi, pensiya kimi məsələlər havadan asılı qalmazdı.  Media haqqında əllaməçilik, mənasız ritorika baş ağrıtmazdı. 
... Qədim dövrlərdən ta indiyə qədər ev insan fəaliyyətində mistik məna daşıyıb. Odur ki, bütün insanlar fəaliyyət göstərmək üçün ilk növbədə ev tikməyə çalışıblar. Onlar başa düşüblər ki, yaşamağa başının üstündə bir damları yoxdursa, bütün gözəl və işıqlı gələcək xülya olaraq qalacaq.  Odur ki, bizim ev arzularımızı qəribçiliyə salmayın, cənab başbilənlər!  Romanın əsasını qoyan Romul və Rem ilk növbədə daşdan ev tikdilər, “Gilqamış” dastanında Gilqamış özü üçün ev tikir, ən nəhayət peyğəmbər əleyhissalam Mədinəyə daxil olanda onun üçün ev tikirlər. Ayrıca ev.. Dünyanın gərdişi belə, bizim mənzil hüququmuzun olmasını haqlı sayır.. Odur ki,  jurnalistlərin mənzil problemini həllin edin...

 

 

 

 

 

 

 

BU KATEQORİYADAN OLAN DİGƏR XƏBƏRLƏR
+ Arxiv
Suriya ordusu hərəkətə keçdi 19 Avqust 2019, 00:33 Sakit Okeanda güclü zəlzələ 19 Avqust 2019, 00:14 Qax sakini Şəkidə faciəvi şəkildə öldü 18 Avqust 2019, 23:52 Xəzərdə batan 2 əcnəbi xilas edildi 18 Avqust 2019, 23:38 Vəkillə təhsil eksperti arasında qalmaqal: Onun barəsində “Mafioz vəkil”...” 18 Avqust 2019, 23:15 Psixiatriya xəstəxanasının pasienti 4 nəfəri öldürdü 18 Avqust 2019, 23:02 Almaniyada insanlara bıçaqla hücum: 2 ölü 18 Avqust 2019, 22:43 “Səbail”  “Zirə”ni məğlub etdi 18 Avqust 2019, 22:17 İsgəndər Həmidovun məhkəməsində çıxış əvəzi LƏTİFƏ  18 Avqust 2019, 22:03 Azərbaycan güləşçisi erməniyə qalib gəldi 18 Avqust 2019, 21:38 Futbolda qanlı olay: 3 nəfər öldü 18 Avqust 2019, 21:19 Türkiyədə terrorda şübhəli bilinən 10 nəfər saxlanıldı 18 Avqust 2019, 21:01 "Düşmənin fəaliyyəti müxtəlif kalibrli silahların nişangahı altındadır" - Müdafiə Nazirliyi 18 Avqust 2019, 20:44 Xarici İşlər Nazirliyindən Sudana təbrik 18 Avqust 2019, 20:30 Vilayət Eyvazov iki rayona rəis təyin etdi 18 Avqust 2019, 20:17 Yanğın 15 min evi külə döndərdi: 50 min insan küçələrdə qaldı - VİDEO 18 Avqust 2019, 20:01 Bakıda intiharın qarşısı alındı 18 Avqust 2019, 18:02 Qənirə Paşayeva afrikalı siyasətçilərə köçkün qadınlardan danışıb    18 Avqust 2019, 17:30 DİM dövlət qulluğuna qəbul imtahanının nəticələrini açıqladı 18 Avqust 2019, 17:23 Ordumuz düşməni nişangah altında saxlayır - Müdafiə Nazirliyi 18 Avqust 2019, 17:08 “İsgəndər Həmidovu ölüm cəzası gözləyirdi” - Sabiq nazirin vəkili DANIŞDI 18 Avqust 2019, 16:28 Mehriban Əliyevadan şəhidlərə böyük ehtiram - FOTOLAR 18 Avqust 2019, 15:58 Əxlaqsız qadınların Bakıdan Dubaya axını azalıb - SƏBƏBLƏR 18 Avqust 2019, 14:56 “Linfild”-“Qarabağ” oyununun hakimləri bəlli oldu 18 Avqust 2019, 14:32 Şeyxülislamın 40 ildə imza atdığı İLKLƏR - Qorbaçovu rüsvay edib, vəhdət namazı qıldırıb, imam üçün qan verib... 18 Avqust 2019, 14:03 Şair Oqtay Rza vəfat etdi 18 Avqust 2019, 13:38 Oğlunu, arvadını və qayınanasını yandıran şəxs tutuldu – RƏSMİ 18 Avqust 2019, 13:30 Şəmkirdəki yanğının TƏFƏRRÜATI – Ata evə od vurdu, oğlu öldü, arvadı yandı... 18 Avqust 2019, 12:57 Sabah 39 dərəcəyə qədər isti olacaq - PROQNOZ 18 Avqust 2019, 12:31 Tanınmış jurnalist nazirə müraciət etdi: “Torqovı” biabırçılıqdı... 18 Avqust 2019, 12:16 İslam təslimiyyət kimi - Ağalar Qutun YAZISI 18 Avqust 2019, 11:57 Bakıda 66 yaşlı qadın ölümdən xilas edildi 18 Avqust 2019, 11:30 Azərbaycan Sərhəd Mühafizəsinin 100 yaşı tamam olub 18 Avqust 2019, 11:20 Bir şəklin tarixçəsi: Milli Ordumuz Xankəndinə girməyə hazırlaşırdı - FOTO 18 Avqust 2019, 11:01 Bakıda ağırçəkili sakini 8-ci mərtəbədən kranla düşürdülər 18 Avqust 2019, 10:58