Bakıda gənc qadın itkin düşüb.
Modern.az "Trend"ə istinadən xəbər verir ki, hadisə paytaxtın Binəqədi rayonunda baş verib.
Xaçmazın Qaraçəlli kəndində yaşayan 1994-cü il təvəllüdlü Cəbrayılova Həsrət Elgiz qızı rayondan Bakının Binəqədi rayonu, Motodrom qəsəbəsi, yeni yaşayış massivində yaşayan qohumugilə qonaq gəlib. Sentyabrın 21-də o qohumunun evindən mağazaya getmək adı ilə çıxıb və bir daha geri qayıtmayıb.
Faktla bağlı araşdırma aparılır.
