Arxiv
28 Oktyabr 2019, 12:18 | İQTİSADİYYAT
“Beynəlxalq Bankın yeni strateji inkişaf planı icra olunur” - Sədrlə MÜSAHİBƏ

Azərbaycan Beynəlxalq Bankının(ABB) İdarə Heyətinin sədri Abbas İbrahimov bankın yeni strateji inkişaf planı ilə bağlı sualları cavablandırıb. Modern.az onunla müsahibəni təqim edir:

 

- Abbas müəllim, Azərbaycan Beynəlxalq Bankı 2019-cu ilin 9 ayını hansı göstəricilərlə başa vurdu?

- 2019-cu ilin 9 aylıq nəticələrinə əsasən, Azərbaycan Beynəlxalq Bankının aktivləri 9,3 milyard manat, cəmi kapitalı 1,5 milyard manat, əməliyyat mənfəəti isə 250 milyon manat ətrafında olub. 2018-ci ilin eyni dövrü ilə müqayisədə, bankda müştəri hesablarının qalığı 800 milyon manat artaraq, 5,4 milyard manata çatıb. Ötən ilin müvafiq dövrü ilə müqayisədə bankın kredit portfelində də 551 milyon manat artım qeydə alınıb. Bunun 376 milyon manatı iri korporativ müştərilərə, həmçinin kiçik və orta sahibkarlıq subyektlərinə verilən kreditlərlə bağlı artımdır.


- Azərbaycan Beynəlxalq Bankının yeni strateji inkişaf planı artıq hazırdırmı? Onun nə vaxtdan reallaşdırılması nəzərdə tutulur?

-Azərbaycan Beynəlxalq Bankının yeni strateji inkişaf planı artıq bankın müvafiq idarəetmə orqanları tərəfindən təsdiqlənib və bir aya yaxındır ki, onun tətbiqinə başlanıb. Strategiya bank menecmentinin və nüfuzlu beynəlxalq konsaltinq şirkətinin iştirakı ilə hazırlanıb, 2022-ci ilə qədər olan müddəti əhatə edir. Yeni strategiyanın əsas məqsədləri dayanıqlı artım, sağlam maliyyə vəziyyəti, yüksək əməliyyat səmərəliliyi və ən yaxşı təcrübəyə uyğun korporativ idarəetmə sisteminin qurulmasıdır.

Buna nail olmaq üçün Azərbaycan Beynəlxalq Bankı korporativ və pərakəndə seqmentdə əsas məhsullar üzrə ilk iki bankdan biri olmağı, kiçik və orta sahibkarlığın maliyyələşdirilməsi sahəsində rəqabətədavamlı bazar payına sahib olmağı, sektorda ən yaxşı rəqəmsal təcrübə ilə ən yüksək müştəri məmnunluğu və NPS (Net Promoter Score) göstəricisinə malik bank olmağı, ölkəmizdə nağdsız ödənişlərin genişləndirilməsi və rəqəmsal bankçılığın inkişafına töfhə verməyi, həmçinin maliyyə sektorunda ən yaxşı işəgötürən kimi tanınmağı əsas strateji hədəfləri kimi təyin edib.


- Beynəlxalq Valyuta Fondu bu ilin sentyabrında açıqladığı hesabatında bankın güclü biznes modelinin olmadığını göstərib və özəlləşdirilməsinin sürətləndirilməsini vacib sayıb. Bankın özəlləşdirilməsi məsələsi hazırda nə yerdədir? Bununla əlaqədar nə işlər görülür?

- Təsdiq edilmiş yeni strateji inkişaf planı çərçivəsində Bankın makroiqtisadi duruma, ölkənin sosial-iqtisadi inkişafına uyğun əsaslı və dayanıqlı biznes modeli hazırlanıb. Özəlləşdirmə məsələsinə gəlincə isə bu, səhmdarların qərarlarından asılı məsələdir. İndiki mərhələdə bank menecmenti olaraq bizim əsas missiyamız yeni inkişaf strategiyası üzrə qarşımıza qoyulmuş tapşırıqlara uyğun olaraq bankın maliyyə dayanıqlığının, mənfəətliyinin, institusional inkişafının, rəqabətqabiliyyətli biznes modelinin təmin olunması üçün tədbirlər həyata keçirmək və bankın bazar dəyərinin artırılmasına nail olmaqdır.


-
Yeri gəlmişkən, son dövrlər Azərbaycan Beynəlxalq Bankı bazara yeni xidmət və məhsullar təqdim edir, sosial layihələr həyata keçirir. Bunun davamı olacaqmı?

- Bəli, son aylarda biz VISA beynəlxalq ödəniş sistemi ilə birlikdə Azərbaycanda ilk dəfə NFC texnologiyası ilə ödənişlərin tətbiqinə başladıq. Yenə də ölkəmizdəki biznes qurumları arasında ilk dəfə olaraq əmək bazarı üçün informasiya texnologiyaları sahəsində peşəkar mütəxəssislər hazırlayan IBA Tech Akademiyasının açılışını etdik. Yüzdən çox tələbə artıq bu Akademiyada ödənişsiz qaydada proqramçı ixtisasına yiyələnir. Bundan başqa, çoxfunksiyalı – dual kart məhsulumuz olan Tamkartı bazara təqdim etdik. Bütün bunlar müştərilərimiz və ümumilikdə cəmiyyətimiz tərəfindən müsbət qarşılanır. Bu addımlar Bankın yeni inkişaf strategiyasında qarşımıza qoyduğumuz hədəflərə yönəlib və təbii ki, davamı olacaq. Bununla bağlı hələlik onu deyə bilərəm ki, ilin sonunadək ölkəmizdə kiçik və orta sahibkarlığın inkişafının dəstəklənməsi istiqamətində maraqlı bir layihəmizi, eyni zamanda tərəfdaşımızla birgə hazırladığımız yeni kart məhsulunu ictimaiyyətə təqdim edəcəyik.


-
Azərbaycan Beynəlxalq Bankı investisiya şirkəti yaradır. Bu şirkətin fəaliyyəti, əsasən, nədən ibarət olacaq?

- Belə bir investisiya şirkətinin yaradılması yeni strategiyamızda nəzərdə tutulub. Bu, Azərbaycan Beynəlxalq Bankı üçün əlavə dəyər yarada biləcək yeni və innovativ biznes ideyalarının reallaşdırılması niyyətindən irəli gəlir.

Strategiyaya uyğun olaraq yüksək gəlirli müştərilərə, o cümlədən korporativ müştərilərə alternativ investisiya məhsullarını təqdim etmək üçün bank tərəfindən investisiya şirkəti yaradılacaq və platforma qurulacaq. Düşünürük ki, belə bir şirkətin uğurla fəaliyyət göstərə bilməsi üçün Azərbaycan bazarında çox böyük potensial var.

“Azərbaycan Beynəlxalq Bankı” ASC-nin səhmdarlarının 11 oktyabr 2019-cu il tarixində keçirilmiş ümumi yığıncağında bu şirkətin yaradılmasına qərar verilib. Hazırda Bankın İdarə Heyəti tərəfindən şirkətin yaradılması və fəaliyyətə başlaması üçün müvafiq hüquqi prosedurlar həyata keçirilməkdədir.


-
Azərbaycan Beynəlxalq Bankı səhmdarlarına dividendlər ödəyirmi?

- Bank son illərdə aktiv və öhdəliklərinin restrukturizasiyası ilə bağlı çətin bir mərhələ keçdiyindən və mövcud resurslar maliyyə dayanıqlığının möhkəmləndirilməsinə yönəldiyindən bu dönəmdə səhmdarlara dividend ödənilməsi məsələsi gündəmdə deyildi. Amma artıq bankın maliyyə dayanıqlığı təmin olunub. Son dövrlər ölkənin biznes həyatında baş verən canlanma bankın kapital mövqeyini daha da gücləndirib. Azərbaycan Beynəlxalq Bankı artıq mənfəətlə çalışır və öz səhmdarlarına dividend ödəmək imkanındadır. Səhmdarların son iclasında 2018-cı ilin maliyyə nəticələrinə əsasən, bank səhmdarlarına dividendin ödənilməsi məsələsinə də baxıldı və hər səhm üzrə 0,0326 AZN olmaqla səhmdarlara ötən ilin mənfəətindən 150 milyon manat dividendin ödənilməsinə qərar verildi.

 

BU KATEQORİYADAN OLAN DİGƏR XƏBƏRLƏR
+ Arxiv
Prezident tanınmış jurnalistə fəxri ad verdi 20 Noyabr 2019, 18:30 Mehriban Əliyeva Rusiyaya səfər edib 20 Noyabr 2019, 18:25 Xaricdəki daha 1385 azərbaycanlı geri qaytarılacaq 20 Noyabr 2019, 18:00 Prezident sumqayıtlıları təltif etdi - TAM SİYAHI 20 Noyabr 2019, 18:00 Tahsil Nazirliyi valideynlərin payız tətili ilə bağlı iradına CAVAB VERDİ 20 Noyabr 2019, 17:54 ABŞ-ın Dövlət katibi istefa vermək istəyir 20 Noyabr 2019, 17:48 Xalq artisti evini satışa çıxardı - ŞOK QİYMƏTƏ - VİDEO 20 Noyabr 2019, 17:42 Azərbaycanda polisi ürəyindən vurdular 20 Noyabr 2019, 17:35 Göygöldə yol qəzası: ağır yaralılar var 20 Noyabr 2019, 17:28 Maradona istefa verdi 20 Noyabr 2019, 17:20 Şəhid adından istifadə edən dələduz pul yığır - FOTO+VİDEO 20 Noyabr 2019, 17:11 “Nar” abunəçilərini arzuolunmaz mesajlardan necə qoruyur...   20 Noyabr 2019, 17:06 2019-cu il Azərbaycanda gələn turist sayına görə rekord vuracaq 20 Noyabr 2019, 17:02 Milli Qəhrəmana “Cümhuriyyətin 100 illik yubileyi” medalı verildi - FOTO 20 Noyabr 2019, 16:50 Azərbaycandan gedənlərin SAYI 20 Noyabr 2019, 16:43 Putindən ETİRAF: “ABŞ-ın bu qərarı məni təşvişə salmışdı” 20 Noyabr 2019, 16:36 Doqquz ayda 46898 nikah, 12713 boşanma... 20 Noyabr 2019, 16:35 Bu il Azərbaycanda 72 üçəm, 4 dördəm doğulub 20 Noyabr 2019, 16:20 Prezidentdən Sabunçu rayonu ilə bağlı mühüm SƏRƏNCAM 20 Noyabr 2019, 16:11 Putin Zelenskini “yaraşıqlı” adlandırdı 20 Noyabr 2019, 16:05 Əbülfəs Qarayev Parisdə 4 ölkənin naziri ilə görüşüb - FOTO 20 Noyabr 2019, 15:58 Bakıda “gəlin maşını” yanıb külə döndü - VİDEO 20 Noyabr 2019, 15:51 Azərbaycanda pensiyaların orta məbləği 240,6 manata çatıb 20 Noyabr 2019, 15:45 Xəzərin dibi ilə Qazaxıstandan Azərbaycana kabel xətti çəkilir 20 Noyabr 2019, 15:38 Türkiyəli həkimlər Oqtay Gülalıyevi əməliyyat etdilər - Beyninə “trubka”qoyuldu 20 Noyabr 2019, 15:32 Media qarşıdurması: Azərbaycan, yoxsa Ermənistan - ermənilər köhnə yazıların tarixini dəyişdirir 20 Noyabr 2019, 15:26 Nazir müavini Goranboyda məktəbin vəziyyəti ilə tanış olub 20 Noyabr 2019, 15:20 Azərbaycandakı rəsmi işsizlərin SAYI - açılan və bağlanan iş yerləri... 20 Noyabr 2019, 15:12 Baş Prokurorluqdan vəzifəli şəxslərlə bağlı xəbərə REAKSİYA 20 Noyabr 2019, 15:05 Mehriban Əliyeva Dmitri Medvedevlə görüşəcək 20 Noyabr 2019, 15:04 İlham Əliyevin reytinqi artıb - Mərkəz rəyini açıqladı 20 Noyabr 2019, 14:59 Pərviz Şahbazov ABŞ-a gedib 20 Noyabr 2019, 14:54 Ölkədə muzdla işləyənlərin orta aylıq maaşında artım var 20 Noyabr 2019, 14:43 Azərbaycanda benzin istehsalı artıb - RƏSMİ   20 Noyabr 2019, 14:37 Əhalinin banklardakı əmanətlərinin MƏBLƏĞİ 20 Noyabr 2019, 14:30