Arxiv
3 Dekabr 2019, 14:40 | MEDİA
Mediada islahatlar zəruridir: Yeni simalar, dünya çapında söz deyəcək, məddahlıqdan uzaq jurnalistlər...

Ölkədə həyata keçirilən islahatlar bütün dairələrdə müsbət qarşılanır. Bu islahatları cəmiyyətə çatdıran mediada necə, islahatlara ehtiyac varmı?


Suallarımızı tanınmış jurnalistlər cavablandırır:

 

“Konkret konsepsiya olmalıdır, məsələyə kompleks halda yanaşılmalıdır...”

 

Parlament Jurnalistlər Birliyinin sədri Elşad Eyvazlı media sahəsində islahatların digər sahələrdən daha vacib olduğunu vurğulayıb:


“Yeni tələblərə cavab verə bilməyən, yeni yanaşmalar ortaya qoya bilməyən media cəmiyyətin güzgüsü ola bilməz. Köhnə təfəkkürlü media cəmiyyətə yenilik gətirə bilməz, digər sahələrdə olan yenilikləri insanlara doğru çatdıra bilməz. 

Başqa tərəfdən, bu gün dünyanın əksər ölkələrində azərbaycanlı jurnalistlər yaşayır. Ancaq onların böyük əksəriyyəti yaşadıqları ölkədə jurnalist kimi fəaliyyət göstərə bilmirlər və bu, onların günahı deyil. Demək ki, media sahəsində də ciddi islahatlara ehtiyac var. Fikrimcə, bunun üçün orta məktəblərdən başlamaq lazımdır. Eyni zamanda, jurnalistika fakültəsində dərs metodu yenilənməli, media qurumları da öz işlərində dönüş yaratmalıdırlar.

Və bütün bunlar sözdə deyil, əməldə görünməlidir. Beynəlxalq səviyyədə media şəbəkəmiz olmalıdır. Özümüz deyib, özümüz eşitməməliyik. Dövlət tərəfindən ayrılmış vəsaiti Biləcəridən o tərəfdə tanınmayan qəzet, yaxud sayt “Qarabağ həqiqətlərini dünya ictimaiyyətinə çatdırır deyib” göyə sovurmamalıdır. Hələ onu demirəm ki, belə media qurumları Qarabağ həqiqətinin nə olduğunu bilmirlər”.



E.Eyvazlı əlavə edib ki, yalnız Azərbaycandilli media ilə Ermənistan cəmiyyətini öz arxamızca süründürə bilmərik.


“İngilis, yaxud başqa əcnəbi dildə olan mediamız “Kürdəmirdə 40 dərəcə isti var” xəbəri verməməlidir. Konkret konsepsiya olmalıdır, məsələyə kompleks halda yanaşılmalıdır. Düşünürəm ki, bütöv mediamız cəmiyyətdə gedən proseslərdə yaxından iştirak etməlidir. Məmurları tənqidə açıq, dözümlü öyrətmək lazımdır. Media əldən verdiyi ictimai nəzarət funksiyasını geri almalıdır. Cəmiyyətdə jurnalistlərə münasibəti dəyişmək lazımdır. Bu sahəni jurnalistikaya “qara ləkə” olanlardan, onlara “arxa duranlar”dan təmizlənmək əsas şərtdir. Söyüş, təhqir, şantaj jurnalistika deyil. Analizlər, təhlillər bir janr kimi yox olmaq təhlükəsindədir. İxtisaslaşma məsələsinə xüsusi diqqət etmək lazımdır. Mediamızda yeni simalar yetişməlidir, bunun üçün gənclərə imkan açmaq lazımdır. İllərdir media rəhbərləri kimi üç-beş nəfər bütün cəmiyyətin gözünü qabar edib. Təbii ki, bu deyilənlər gözləntilərin kiçik bir hissəsidir. Dövlətimiz naminə güclü, dünya çapında sözünü deyə biləcək, məddahlıqdan uzaq  mediaya böyük ehtiyac var və bunun üçün mediada islahatlar günümüzün tələbidir”.

 

“Müasir düşüncəli, modern dünyanın media çağırışlarına cavab verən, ictimai nüfuzu olan nəslə meydan verməlidir...”
 

“Türküstan” qəzeti və “Türküstan.info” saytının baş redaktoru Aqil Camal dövlət aparatında gedən yeni düşüncə, yeni yanaşmanın müstəqil sahə olan media camiəsinə də sirayət etməli olduğunu qeyd edib:



“Hazırda dövlət aparatında aparılan islahatlar və dəyişikliklər istər-istəməz cəmiyyət həyatının bütün sahələrinə təsir edir. Media da bu qəbildəndir. Və diqqət etsək görərik ki, hazırda ölkədə həyata keçirilən dəyişiklikləri ən çox təbliğ edən və dəstəkləyən də mediadır. Eyni zamanda, media təkcə xəbər istehsalı ilə məşğul deyil. Medianın özünü ictimai və inzibati formada tənzimləmə mexanizmləri də var. Bu baxımdan, hesab edirəm ki, əgər cəmiyyətdə bir “islahat, yeniləşmə, gəncləşmə” ab-havası varsa, bu trend bütövlükdə media camiəsini də əhatə etməlidir. Biz yeniləşmə deyərkən, ağlımıza yalnız dövlət məmurlarının əvəzlənməsi gəlməməlidir. Dövlət və ya qeyri-dövlət olaraq bir harmoniya təşkil edir. Dövlət aparatında gedən yeni düşüncə, yeni yanaşma müstəqil sahə olan media camiəsinə də sirayət etməlidir. Media özəl sahədir, dövlətdən asılı deyil ki, bu sahədə yenilik hansısa qərarlarla, sərəncamlarla həyata keçirilsin. Burada ancaq şəxsi təşəbbüs, ictimai rəylə hesablaşmaq kimi amillər əsas götürülə bilər. Bu sahədə müasir düşüncəli, modern dünyanın media çağırışlarına cavab verən, ictimai nüfuzu olan nəslə meydan verməlidir”.

 

“Media sahəsində də islahatlara ehtiyac var..” 

 


“CBC TV-nin əməkdaşı, veb-redaktor Fərəh Sabirqızı
əsasən  rəsmi KİV-lərdə və televiziyalarda yeni yanaşmanın ortaya qoyulmalı olduğunu bildirib:

“Media sahəsində də islahatlara ehtiyac var. Əsasən də rəsmi KİV-lərdə və televiziyalarda yeni yanaşma ortaya qoyulmalıdır. Problemləri gizlətmək yox, aşkarda demək vacibdir ki, həll olunsun. Dövlət başçısının son çıxışılarında da bu məqam xüsusi vurğulanır və məncə, bu, elə media işçiləri üçün də çağırış kimi qiymətləndirilməlidir. İctimai nəzarətin, şəffaflığın təmin olunmasında indi jurnalistlərin işi yüksək qiymətləndirilir və biz daha fəal olmalıyıq. Odur ki, efirdə daha çox disskusiyalar, müzakirələr aparılmasına, ictimai-siyasi və sosial yüklü mövzuların sayını artırmağa ehtiyac var. Cəlbedici layihələrlə auditoriyanı bütün təbəqələrini əhatə etməyə çalışmalıyıq. Son vaxtlar bunu AzTV və İctimai Televiziyanın timsalında görürük. İkinci mühüm məsələ jurnalistlərin peşəkarlığı ilə bağlıdır. Rəsmilər, vəzifəli şəxslər daim gileylənirlər ki, online mediada  ixstisaslaşmış jurnalistlər azdır. Düzdür, amma səbəbsiz də deyil. Səbəblərdən biri media qurumlarının maliyyə durumu ilə bağlıdır. Təəssüf ki, Azərbaycandakı online media qurumlarının əksəriyyətində çoxsaylı ştat saxlamaq, hər sahəyə dair ixtisaslaşmış jurnalist yetişdirmək imkanı yoxdur. Yeri gəlmişkən, 2019-cu il islahatlar ili kimi yadda qaldı. Hökumət tərəfindən qəbul edilən iki sosial paket ölkədə az qala milyon yarım əhalini əhatə etdi, maaşlarda orta hesabla 60-70 faiz, bəzi hallarda 95 faiz artım qeydə alındı. Özəl qurumlar da işçilərinin məvacibini qaldırdılar. Lakin bu artımlar həftəsonu, bayram, istirahət bilmədən daim iş başında olan, xəbərlər yayan, Azərbaycan haqqında həqiqətləri təbliğ  və təşviq edən jurnalistlərə, media aləminə şamil olunmadı. Media qurumlarının rəhbərləri bu amilə də diqqət yetirməlidirlər ki, peşəkar jurnaslitlərin mediada qalıb işləməsi və inkişafı, yeni peşəkarların yetişməsi üçün şərait yaransın”.

 

“Vitrinində ləyaqətli jurnalistlər təmsil olunmalıdır”

 


“Jurnalist Araşdırmaları Mərkəzi”nin sədri Seymur Verdizadə
islahat dalğasının mətbuata da çatmalı, mətbu vitrinin ən qısa zamanda yenilənməli olduğunu bildirib:


“Mətbu vitrin ən qısa zamanda yenilənməlidir. Vitrinində ləyaqətli jurnalistlər təmsil olunmalıdır. Media sahəsinə ləkə olan, öz mövcudluğu ilə bu sektoru zibilləyən adamlardan qurtulmağın vaxtı çatıb. Sözün nazını çəkən, jurnalist etikasını şəxsi mənafeyindən üstün tutan qələm adamlarına meydan verilməlidir.
Hesab edirəm ki, KİV-in İnkişafına Dövlət Dəstəyi Fondu islahatlardan kənarda qalmamalıdır. Bu qurumda da struktur və kadr islahatları aparılmalıdır. Jurnalisti məmurlara yaltaqlanmağa vadar edən zehniyyətdən birdəfəlik xilas olmalıyıq. KİV Fondu sözdə deyil, əməldə mətbuata dəstək olmalıdır. Bu qurum üçün xarakterik olan dostbazlıq, yerlibazlıq, qohumbazlıq kimi xəstəlikləri müalicə etməyin vaxtıdır. Yekəxana, təkəbbürlü adamlar Prezidentin çağırışına səs verib, tutduqları postlarla könüllü şəkildə vidalaşmalıdırlar”.

BU KATEQORİYADAN OLAN DİGƏR XƏBƏRLƏR
+ Arxiv
Koronavirus insandan heyvana keçdi 4 Aprel 2020, 01:20 KİV nümayəndələri üçün evdən çıxma icazəsi tələb edilməyəcək 4 Aprel 2020, 00:54 158 170 nəfərin evdən çıxma icazəsi TƏSDİQLƏNDİ 4 Aprel 2020, 00:36 Həkimin koronavirusun dərmanı ilə bağlı təklifi dünyanı silkələdi - VİDEO 4 Aprel 2020, 00:19 Koronavirusa virusa yoluxanların sayı daha 76 190 nəfər artıb - ÜST 4 Aprel 2020, 00:01 Fransada bir sutkada 588 nəfər koronavirusdan öldü 3 Aprel 2020, 23:45 Bu şəxslər karantin dövründə də avtomobillə sərbəst hərəkət edə biləcək 3 Aprel 2020, 23:29 20 yaşadək gənclərin də küçəyə çıxması qadağan edildi 3 Aprel 2020, 23:13 Maska qıtlığının səbəbi AÇIQLANDI 3 Aprel 2020, 22:54 "Azəriqaz"ın rəhbəri: "Kommunal məsələlər vaxtında öz həllini tapmalıdır" 3 Aprel 2020, 22:37 Onlayn əsasda Qoşulmama Hərəkatı Modeli Simulyasiya Təlimi təşkil ediləcək 3 Aprel 2020, 22:22 Yaxın günlərdə bank kreditləri ilə bağlı qərar AÇIQLANACAQ 3 Aprel 2020, 22:06 Baş Nazir karantin rejimi ilə bağlı qərarda dəyişiklik etdi 3 Aprel 2020, 21:37 “Biliklərin yaradılması və ötürülməsində universitetlərin inhisarçılığının sonu görünür” - Ədalət Muradov 3 Aprel 2020, 21:24 İtaliyada koronavirus qurbanlarının sayı 14 681-ə çatdı 3 Aprel 2020, 21:11 Azərbaycanda koronavirusa yoluxanlar bu ərazilərdəndir - SİYAHI 3 Aprel 2020, 20:47 Türkiyədə koronovirusdan bir gündə 69 nəfər öldü 3 Aprel 2020, 20:35 İranda koronavirusa yoluxanların sayı artır 3 Aprel 2020, 20:18 Beynəlxalq Türk Mədəniyyəti və İrsi Fondu onlayn rəsm müsabiqəsi keçirir 3 Aprel 2020, 20:03 ASAN Xidmət jurnalistlərə MÜRACİƏT ETDİ: Sui-istifadə hallarına yol verməyin! 3 Aprel 2020, 19:13 Tanınmış jurnalistə ağır itki üz verib 3 Aprel 2020, 18:36 “Azercell” təhlükəsizlik tədbirlərini gücləndirir 3 Aprel 2020, 18:18 Həkimlərin ailəsi necə qorunur? - Deputat: “Tibb işçilərinə ayrıca yer ayrılsın 3 Aprel 2020, 18:13 Aİ tibbi ləvazimatların idxalına vergiləri ləğv etdi 3 Aprel 2020, 18:05 Kamran Əliyev:Jurnalistin öz şəxsi maşını ilə işə getmələrinə məhdudiyyət yoxdur” 3 Aprel 2020, 17:59 Dolların MƏZƏNNƏSİ açıqlandı 3 Aprel 2020, 17:55 Fransa İtaliya və İspaniyaya göndərilən tibbi maskaları müsadirə etdi 3 Aprel 2020, 17:54 Başıbəlalı “Corona” pivəsinin istehsalı dayandırıldı 3 Aprel 2020, 17:42 “Virtual məktəb” portalında bir gündə 36 min şagird qeydiyyatdan keçib 3 Aprel 2020, 17:36 Spikerin son SƏRƏNCAMI Milli Məclisin nüfuzunu özünə qaytaracaq - “Gül balalar” yola salınır 3 Aprel 2020, 17:30 Sürət qatarı koronaviruslu xəstələr üçün reanimasiya şöbəsinə çevrildi - FOTO 3 Aprel 2020, 17:24 Aprel döyüşlərinin iştirakçısı xanımının üzüyünü güllə gilizindən düzəldibmiş - FOTO 3 Aprel 2020, 17:17 “Azərbaycanda ərzaq qıtlığının yaşanması üçün heç bir obyektiv əsas yoxdur” - Anar Hüseynov 3 Aprel 2020, 17:16 Sosial izolyasiya ailədaxili zorakılığı kəskin artırıb – PROBLEM 3 Aprel 2020, 17:13 Deputat: “Əhali 3 aylığa işıq, qaz və digər kommunal xidmətlərdən azad olunub” 3 Aprel 2020, 17:10