Lənkəranda avtomobil kanala aşıb.
Modern.az-ın xəbərinə görə, hadisə Cil kəndi ərazisində qeydə alınıb.
İdarəetmədən çıxan “Mercedes Atego” markalı yük avtomobili əvvəlcə elektrik dirəklərinə çırpılıb, daha sonra kanala aşıb.
Qəza nəticəsində Cil və Şağlaser kəndlərinin bir hissəsi işıqsız qalıb. Aidiyyəti qurumlar tərəfindən görülən tədbirlər nəticəsində bu problem aradan qaldırılıb.
Qəza zamanı xəsarət alan olmasa da, avtomobilə ciddi ziyan dəyib.
Faktla bağlı araşdırma aparılır.
