Arxiv
7 Dekabr 2019, 16:10 | AKTUAL
Həmkarlarının Yevda Abramovla bağlı XATİRƏLƏRİ

Milli Məclisin V çağırış deputatı Yevda Abramov uzun sürən xəstəlikdən sonra dekabrın 6-da axşam saatlarında dünyasını dəyişib.

 

Modern.az saytının əməkdaşı Yevda Abramov haqqında həmkarlarından xatirələrini öyrənib.

 

Millət vəkili Fəzail İbrahimli:

“Yevda müəllim Milli Məclisdə öz sözü, səsi olan deputatlardan idi. O, baxmyaraq ki, milliyətcə yəhudi idi, amma ən böyük azərbaycanlıydı. Yevda Abramov bütün məqamlarda dövlətin, millətin xeyirinə öz sözünü deyirdi. O, dövlətə xələl, qüsur gətirən məmurlara qarşı kifayət qədər ciddi arqumentlərlə çıxış edirdi. Bunlar hamısı siyasi müstəvidir”.

 

Fəzail İbrahimli qeyd edib ki, Yevda müəllim insani müstəvidə ömrünün ən şirin dövrünü yaşayırdı.

 

“O, övladlarını yerbəyer etmişdi, əslində indi onun həyatda bir dincəliş dövrü idi.  Tanrıdan onun qismət payı belə imiş. Fiziki cəhətdən MM-də ən sağlam insanlardan biri idi. Yevda müəllimin güclü səsi var idi, mikrofonsuz danışanda da eşidilirdi. Mən onu müsbət biri kimi; heç kimə ziyan verməyən, hər şeydən əvvəl özünə hörməti olan biri kimi tanıdım. Beynəlxalq münasibətlərdə o, daima Azərbaycan üçün isti əlaqələrin qurulmasına görə çalışırdı. Azərbaycan xalqı həmişə ona sığınan, bu xalqa xeyirxah münasibət bəsləyən bütün millətlərin nümayəndəsini tarixən də öz ağuşuna alıb. Yevda Abramovu Azərbaycan xalqı deputat etmişdi. Yevda müəllim yəhudilərin nümayəndsi olsa da, onu azərbaycanlılar seçmişdi. Uzun ömür sürmək hamıya qismət olmur, görünür ki, Yevda müəllimin qismət payına da belə yazılmışdı. Elə bir xəstəliyə tutuldu ki, onun dünyada çarəsi yoxdur. Allah Yevda müəllimə rəhmət eləsin, övladlarına, ətrafına səbr versin”!

 

Deputat Əflatun Amaşov:

 

“Yevda müəllimə Allah rəhmət eləsin. Eyni komitədə çalışırdıq. O, yəhudi millətinin nümayəndəsi olmasına baxmayaraq, parlamentə Azərbaycanın inkişafı ilə bağlı, ölkədən kənarda; İsraildə, ABŞ-da  etdiyi çıxışlarda dövlətimizin ən böyük təbliğatçılarından idi. Yevda müəllim seçicilər tərəfindən ən çox hörmət olunan deputatlardan və kifayət qədər yaxşı yoldaş idi”.

 

Əflatun Amaşov qeyd edib ki, Yevda Abramov kifayət qədər alicənab, həssas və yaxşı yoldaş idi.

 

“Allah Yevda müəllimə rəhmət eləsin. O, çox gözəl, dəyərli insan idi. Təəssüflər olsun ki. Mən onun Qubada keçiriləcək dəfn mərasimində iştirak edə bilməyəcəm. Çünki mən Bakıda deyiləm. Modern.az kollektivinə isə təşəkkürümü bildirirəm ki, bu mövzuya həssas yanaşıb”.

 

Deputat Tahir Kərimli:

 

“Allah Yevda müəllimə qəni-qəni rəhmət eləsin. O, Azərbaycanı sevən böyük bir insan idi. Biz onunla uzun müddət eyni komitədə; İnsan hüquqları komitəsində çalışmışıq. Yevda müəllimin daim xalq üçün faydalı təkliflərinin şahidi olmuşam. O, həmişə ABŞ-da, İsrail və başqa ölkələrdə yəhudi icmalarla görüşüb, onları Azərbaycanın xeyirinə yönəldərdi”.

 

Tahir Kərimli qeyd edib ki, Yevda müəllim həmişə xarici ölkələrə Azərbaycan həqiqətlərini çatdırar, Qarabağ məsələsindən hər yerdə danışardı.

 

“Biz həmkarları olaraq onun xəstəlikdən əziyyət çəkməsinə görə narahat olurduq. Keçən il də gedib İsraildə xeyli müalicə aldı gəldi, şükür etdik ki, sağaldı. Allah rəhmət eləsin bir daha! Mən hesab edirəm ki. Yevda müəllim Azərbaycan xalqı üçün gördüyü işlərlə tarixdə qalacaq. İnsan heç cür inana bilmir ki, belə gözəl insan həyatı tərk edib. Sizlərə isə təşəkkür edirəm ki, onu yada salıb, mövzuya həssaslıqla yanaşırsınız”.

 

Deputat Əli Məsimli:

 

“Milli Məclisin deputatı, Azərbaycanın ictimai-siyasi həyatında fəal iştirakı ilə çoxlarının rəğbətini qazanan, sadə, səmimi, gözəl qəlbli insan-Yevda Abramov uzun sürən xəstəlikdən sonra dünyasını dəyişib. Yevda müəllimin vəfatı ilə bağlı Vahid Əhmədov, Rafiq Məmmədhəsənov və öz adımızdan mərhumun ailəsinə və əzizlərinə dərin hüznlə başsağlığı veririk! Allah rəhmət eləsin”!

 

Deputat Azər Badamov:

 

“Azərbaycanı öz canından çox sevən,ictimai-siyasi xadim, dostum və həmkarım Yevda Abramovun vəfatı xəbəri məni çox kədərləndirdi. Kişilik, mərdlik, sözünü üzünə demək, vətənə sevgi Yevda müəllimin həyat tərzi idi. Yevda müəllim deyərdi ki, Azər; Mən Azərbaycanda tək yaşayıram. Övladlarım xaricdədirlər. Çıxışlarımda heç vaxt şəxsi marağım yoxdur. Çıxışlarımdakı bütün emosiyalar vətənimi və prezidentimi sevdiyimdəndir. Deyərdi ki,İstəyirəm torpaqlarımız işğaldan azad olunsun, Azərbaycan daha möhtəşəm görünsün.Allah rəhmət eləsin”!

 

Deputat Aydın Mirzəzadə:

 

“Allah rəhmət eləsin, çox yaxşı insan idi. Xarizmatik xarakteri var idi, böyük həyat təcrübəsinə malik idi, insanlarla asanlıqla dil tapırdı. Azərbaycanı çox sevirdi, ölkəmizin xarici ölkələrdə, ilk növbədə yəhudi diaspor dairələrində tanıdılması üçün böyük iş görürdü. Parlament iclaslarının birindən qalmazdı, çox diqqətlə bütün çıxışlra qulaq asardı, özünü də çıxışları həyati idi, çıxışlarında mütləq təklifləri də verirdi. Dəyərli bir yoldaş kimi əziz xatirəsi həmişə qəlbimizdə yaşayacaqdır”.  Nuranə

BU KATEQORİYADAN OLAN DİGƏR XƏBƏRLƏR
+ Arxiv
Ali məktəblərə qəbulun NƏTİCƏLƏRİ açıqlandı - YENİLƏNİB 24 Sentyabr 2020, 02:20 Savaş qoxusu 24 Sentyabr 2020, 00:57 ABŞ Lukaşenkonu prezidenti kimi tanımır 24 Sentyabr 2020, 00:53 Azərbaycana bu ölkədən dərman idxalı azalıb 24 Sentyabr 2020, 00:34 Bakıda kütləvi dava 24 Sentyabr 2020, 00:17 Kəlbəcərdə şəhid olan Həsənin qızı TƏLƏBƏ adını qazandı- FOTO 24 Sentyabr 2020, 00:01 Qəza törədən azərbaycanlı repçi həbs olundu 23 Sentyabr 2020, 23:44 Çernobılda 100 ildən sonra ayılar göründü 23 Sentyabr 2020, 23:19 Bərdədə 28 yaşlı qadın kista əməliyyatında öldü 23 Sentyabr 2020, 23:09 Nazirlik 225 sahibkarlıq subyektində pozuntular aşkarladı 23 Sentyabr 2020, 22:52 Ərdoğan NATO ilə  müzakirələr aparır 23 Sentyabr 2020, 22:35 Obama sosial şəbəkədə telefonunun nömrəsini paylaşdı 23 Sentyabr 2020, 22:21 Rusiyada deputat koronavirusdan öldü 23 Sentyabr 2020, 22:08 Hindistanda koronavirusdan ölənlərin sayı 90 mini ötdü 23 Sentyabr 2020, 21:57 “Dərs vaxtı”nın sabaha olan cədvəli - FOTO 23 Sentyabr 2020, 21:40 İcra başçısının müavini işdən çıxarıldı 23 Sentyabr 2020, 21:26 Şura haqqında böhtan yayan saytlar məhkəməyə veriləcək 23 Sentyabr 2020, 21:15 Türkiyədə daha 72 nəfər koronavirusdan öldü 23 Sentyabr 2020, 20:59 ABŞ-dan neft ehtiyatları barədə açıqlama 23 Sentyabr 2020, 20:45 “Ordu quruculuğunun gücləndirilməsi üçün büdcədə ciddi artım nəzərdə tutulub” - Əli Əsədov 23 Sentyabr 2020, 20:31 Baş prokuror yanında Elmi-Məsləhət Şurasının iclası keçirilib 23 Sentyabr 2020, 20:23 ABŞ-dan Rusiyaya qarşı yeni sanksiya 23 Sentyabr 2020, 20:12 “Büdcə təşkilatlarında izafi xərclərə yol verilir” - Baş Nazir 23 Sentyabr 2020, 20:01 Nazirlər Kabineti büdcə məsələlərini müzakirə etdi – QƏRAR VERDİ 23 Sentyabr 2020, 19:52 Naxçıvanda hərbi kurslar başa çatdı 23 Sentyabr 2020, 19:38 Azərbaycanda Kosmik Məsələlər üzrə Şura yaradıldı 23 Sentyabr 2020, 19:28 Dağıstanda həbs olunan azərbaycanlılarla bağlı XƏBƏR VAR 23 Sentyabr 2020, 19:20 Ceyhun Bayramov 28 ölkənin iştirak etdiyi beynəlxalq tədbirə qatıldı 23 Sentyabr 2020, 19:02 Daha bir ölkədə təhsil müəssisələrində yolxuma artır 23 Sentyabr 2020, 18:56 “AzGold” MMC-nin rəhbərinə cinayət işi AÇILDI 23 Sentyabr 2020, 18:43 Elman Paşayev Rusiya parlamentinin deputatı olmaq istəyir 23 Sentyabr 2020, 18:37 Azərbaycan su ehtiyatları yaradır 23 Sentyabr 2020, 18:21 Prezident və birinci xanım Balaxanıda görülən işlərlə tanış oldu - YENİLƏNİB 23 Sentyabr 2020, 18:04 Daha 7 şagird və 6 təhsil işçisi koronavirusa yoluxdu 23 Sentyabr 2020, 17:58 Arsak adı nə vaxt və hansı tarixi şəraitdə meydana gəlib? 23 Sentyabr 2020, 17:52