Paytaxt məktəblilərinin iştirakı ilə Azərbaycanın Dövlət Himninin fərqli üslubda ifasından ibarət videoçarx hazırlanıb.
Modern.az məlumat verir ki, Bakı şəhəri üzrə Təhsil İdarəsinin (BŞTİ) dəstəklədiyi təşəbbüsün əsas məqsədi Dünya Azərbaycanlılarının Həmrəylik Gününün təbliğini genişləndirmək, məktəbliləri milli-mənəvi dəyərlərə hörmət, Vətənə məhəbbət və azərbaycançılıq məfkurəsi əsasında tərbiyə etmək, onların yaradıcılıq bacarığının inkişafına təkan verməkdən ibarətdir.