Arxiv
25 Yanvar 2020, 13:23 | MEDİA
Deputatlığa namizəd Mütəllim Rəhimlinin həyat yoldaşıSeçki kampaniyasına kömək edə bilmərəm  

Modern.az “Namizədlərin həyat yoldaşları” rubrikasında növbəti qonağını təqdim edir. 

Budəfəki həmsöhbətimiz 106 saylı Tovuz-Qazax-Ağstafa seçki dairəsindən deputatlığa namizəd, Ədalət Partiyasının sədr müavini, fəlsəfə doktoru Mütəllim Rəhimovun həyat yoldaşı Kəmalə Rəhimovadır.
 

Kəmalə xanım ixtisasca müəllimdir. Bu yaxınlaradək 175 saylı tam orta məktəbdə işləyib. Hazırda işləmir.

 

Kəmalə xanımla əməkdaşımızın söhbətini təqdim edirik:

 

 

- Kəmalə xanım, həyat yoldaşınızı bir-iki cümlə ilə necə xarakterizə edərdiniz?

- Mənə görə o çox yaxşı insan, ailə başçısıdı. İşində də başarılı biridi, yaxşı siyasətçidi. Cəmiyyətin indiki duruma adekvat olmayacaq dərəcədə güvəniləndi. Söz verməyi sevmir, amma verdisə, nəyin bahasına olursa-olsun onu yerinə yetirəcək. Ona görə də evdə uşaqlar da çalışır ki, ilk növbədə atalarından söz alsınlar. Həmçinin qayğıkeşdi və bu keyfiyyəti təkcə ailəsinə qarşı deyil, hamıya münasibətdə belədi.

 

 

- Sizcə, bu qədər namizədlər arasından nəyə görə o deputat olmalıdır?

- Çünki layiqlidi. Tam səmimi deyirəm, o bu yerə layiqdi, ona görə ki, Vətənini, millətini çox sevir və məsuliyyətlidir.

Baxmayaraq ki, böyük potensiala sahibdir, amma onu həmişə görməzliyə vurublar. Həyatda əldə etdiyi mövqeni kimsənin köməyi olmadan öz zəhməti hesabına qazanıb. Onu heç vaxt arxadan qabağa itələməyiblər, əksinə həmişə sinəsindən geri sıxıblar. Müxalifətdə ola-ola elmi iş müdafiə edib, siyasətdə olduğu kimi elm sferasında da siması var. 6 kitabın müəllifidir.

Yaradıcı enerjiyə malik insanın sıxışdırılması təsəvvür etmədiyiniz gərginliklər doğurur. Mən Mütəllim müəllimin simasında bunun şahidiyəm.

Bütün bunlara baxmayaraq nə onun qürurunu sındıra biliblər, nə də ruhdan düşüb. Ailədə maddi sıxıntılarımız da çox olub, amma kimsəyə boyun əyməyib. Düşünürəm ki, belə keyfiyyətə malik insan deputat olmalıdır. Şəhidlərimizin qanı hesabına qurduğumuz dövləti məhz belə insanlara etibar etmək olar.

 

 

- Siz ailə həyatı quranda Mütəllim bəyin müxalifətdə olduğunu bilirdinizmi və buna reaksiyanız necə oldu?

- Əlbəttə bilirdim. O zaman da, indi də mənə eyni şeyi deyir: hər şey yaxşı olacaq. Onu çətinliklər dəyişdirə bilmədiyinə görə indi çox sevinirəm.

Ailə başçısının müxalifətdə olması həmin ailənin illərlə deyil, bəlkə də saniyələrlə böyüməsi deməkdi. Çünki həyat bizim üçün asan olmayıb. Bunu övladlarımız da görür. Amma sıxıldıqca biz möhkəmləndik.

Reaksiyama gəldikdə, onun güclü iradəsi bütün suallarıma və şübhələrimə cavab verib, məni başqa şeylər düşünməyə qoymayıb. Onun xarakteri, nitqi və məntiqi insanları inandırmaq gücündədi.

 

 

- Mütəllim bəyin deputat seçiləcəyinə inanırsınızmı?

- Heç şübhəm yoxdu ki, o qalib olacaq. Mən insanların münasibətini görürəm və açığı deyim ki, xeyli fərəhlənirəm. Yəqin mənim yerimdə kim olsaydı belə edərdi.

Ancaq seçki prosesini də bilirik. Lakin məndə ümid var ki, Mütəllim müəllimin potensialından istifadə etməkdən imtina etməzlər. Həm də hakimiyyətdə aparılan dəyişiklilər məni bunu deməyə vadar edir.

Açığı desəm, olmasa şəxsən mənim üçün daha da yaxşıdı. Deputat olmasa yenə də ailəmizin, amma olsa seçicilərin yanında olacaq. Çünki onun xasiyyətini bilirəm.

Mən Mütəllim müəllimdən fərqli olaraq prosesə sonda qiymət verirəm. Ona görə də inamlıyam. Ölkədə islahatlar gedir, bu islahatların nəticəsinə inanmaq istəyirəm.

Ona görə ki, cəmiyyətimiz ruhdan düşməsin, insanların içərisində cücərən ümid işartıları sönməsin .

 

 

- Seçki kampaniyasında ona necə dəstək verirsiniz?

- Ailəsi həmişə onun dəstəkçisidir, çünki onu çox istəyirik, arzusunun əleyhinə ola bilmərik. Axı ailə həm də anlaşmadır. Lakin seçki kampaniyasına mən kömək edə bilmərəm. Bu ailə seçimi deyil. Cəmiyyətin qərarı olmalıdı və sonda o da həmin insanlar qarşısında məsuliyyət daşımalı və cavab verməlidi.

Mütəllim müəllimi namizədliyini verdiyi ərazidə tanıyanlar çoxdu. 2005-ci ildən başlayaraq İlyas İsmayılovun seçki qərargahına həmin dairədə rəhbərlik edib.

 

 

- Yeri gəlmişkən, İlyas İsmayılovu necə tanıyırsınız, sizin qonağınız olubmu?

- İlyas müəllim çox böyük insandı, mən onu xarakterizə edə bilmərəm.

Bizim evimizdə olmayıb, amma onunla bir neçə dəfə görüşmüşəm. Onun oğlu, ölümünə indi də inana bilmədiyim Etimad bizim uşaqların kirvəsi idi. O, bizim evdə çox olmuşdu, evləndikdən sonra həyat yoldaşı Sevil xanımla birlikdə də qonağımız olub.

 

 

- Mütəllim bəyin iş həyatı evə təsir edirmi?

- Sözsüz, həm maddi, həm də psixoloji olaraq ailəmizə təsiri var. O çətinlikləri nə qədər gizlətməyə çalışsa da, biz bunu hiss edirik. Lakin problemlərini kimsə ilə bölüşməyi sevmir. Çünki həyat fəlsəfəsini insanlara problem yaratmaq yox, onu aradan qaldırmaqda görür.

Ədaləti heç vaxt nəyəsə qurban verməyib.

Mən də ixtisasca müəlliməm. Amma etiraf edirəm ki, onun kimi bir müəllimim olmasını arzu edərdim. Onun mühazirələrinə qulaq asmaqla çox şey öyrənmək olar. 

 

 

- Mütəllim bəyin xoşladığı yemək hansıdır.

- O, bütün yeməkləri sevir, amma xüsusi olaraq “anamın quruddu xəngəli” dediyi xəngəli çox xoşlayır. Düşünürəm ki, bu da onun doğulduğu zonanın - Tovuz, Qazax və Ağstafanın ən sevimli yeməklərdən biri olması ilə bağlıdır.

 

 

- Özünüzü deputatın həyat yoldaşı kimi necə təsəvvür edirsiniz?

- Mən özümü Mütəllimin həyat yoldaşı kimi təsəvvür edirəm, hər hansı vəzifə sahibi tutan şəxsin yox. Çünki o deputat seçilsə də, seçilməsə də həyatımızda heç nə dəyişməyəcək. Biz yenə həmin həmin insanlar və həmin ailə olacağıq.

Yeganə olaraq düşünürəm ki, Mütəllim müəllimi həmişəkindən daha az görəcəyik. Və bir də hamımızın əvvəlki sərbəstliyi məhdudlaşacaq.

 

 

BU KATEQORİYADAN OLAN DİGƏR XƏBƏRLƏR
+ Arxiv
Avropa İttifaqı koronavirusla mübarizəyə 230 milyon avro ayırır 25 Fevral 2020, 00:52 Bakıxanovda piyadanı vuran sürücü qaçdı 25 Fevral 2020, 00:36 "Rövşənin öldürdüyü" deyilən qətllərin arxasından bu ad çıxdı 25 Fevral 2020, 00:21 Bu gün Novruzun ilk çərşənbəsi qeyd olunur 25 Fevral 2020, 00:03 Daha bir ölkədə koronavirus aşkarlandı 24 Fevral 2020, 23:50 Şəkidə biri azyaşlı olmaqla 4 nəfəri it dişləyib 24 Fevral 2020, 23:33 Azərbaycan nefti ucuzlaşıb 24 Fevral 2020, 23:19 Xırdalanda 18 yaşlı gənc bıçaqlandı 24 Fevral 2020, 23:03 Ağ Ev Konqresdən koronavirusa görə 1 milyard dollar istəyəcək 24 Fevral 2020, 22:39 Şəhid İbrahim Vəliyevin cənazəsi  Zərdaba gətirildi -  VİDEO 24 Fevral 2020, 22:16 Madər Musayevin dairəsi ilə bağlı şikayət təmin edilmədi 24 Fevral 2020, 21:57 İranda koronavirusdan ölənlərin sayı artdı 24 Fevral 2020, 21:53 Ləman Ələşrəfqızının şikayəti əsasında 3 məntəqədə nəticə ləğv edildi 24 Fevral 2020, 21:36 Abşeronda 64 yaşlı qadın dənizdə batdı 24 Fevral 2020, 21:24 Ucar Seçki Dairəsində iki məntəqənin nəticələri ləğv edildi 24 Fevral 2020, 21:11 İrandan Azərbaycana gələn daha iki nəfər xəstəxanaya yerləşdirildi 24 Fevral 2020, 21:01 Sumqayıtda marşrut avtobuslarında pulsuz Wi-Fi quraşdırıldı 24 Fevral 2020, 20:46 Daha bir məntəqədə seçkilərin nəticəsi ləğv edildi 24 Fevral 2020, 20:29 MSK Azər Qasımlının şikayətini təmin etmədi 24 Fevral 2020, 20:24 AzTV-nin gənc aparıcısı sədr müavini TƏYİN OLUNDU 24 Fevral 2020, 20:06 Yeni baş direktor Əkbər Hacıyevin kadırını işdən çıxardı 24 Fevral 2020, 20:00 Ziyad Səmədzadənin dairəsi ilə bağlı qərar VERİLDİ 24 Fevral 2020, 19:41 Ceyhun Məmmədovun dairəsində bir məntəqənin nəticələri ləğv olundu 24 Fevral 2020, 19:32 MSK sədri: “Məzahir Pənahovun yanında Stalin toya getməlidir” 24 Fevral 2020, 19:23 Nigar Arpadarainin dairəsində ləğv edilən məntəqələrinin sayı 7-yə ÇATDI 24 Fevral 2020, 19:14 Bəzi şagirdləri məktəbə buraxmadılar 24 Fevral 2020, 19:05 Məzahir Pənahov: “Əsgərlərin hamısının eyni namizədə səs verməsinin səbəbini deyə bilmərik” 24 Fevral 2020, 18:56 Daha bir ərəb ölkəsində koronavirus aşkarlandı   24 Fevral 2020, 18:47 MSK Naqif Həmzəyevin dairəsini ARAŞDIRACAQ  24 Fevral 2020, 18:39 Heydər Əliyev Fondu aktyorun müalicəsini üzərinə götürdü 24 Fevral 2020, 18:36 MSK Rauf Əliyevin dairəsi ilə bağlı şikayəti RƏDD ETDİ   24 Fevral 2020, 18:28 Dağlıq Qarabağın azərbaycanlı icması bəyanat yaydı 24 Fevral 2020, 18:25 Bakıda sevgililər dəm qazından boğularaq öldü 24 Fevral 2020, 18:21 MSK-dan Nizami Cəfərovun dairəsi ilə bağlı QƏRAR - məntəqə ləğv edildi 24 Fevral 2020, 18:20 Yaranışın yeni formuluŞərq hikməti və ya “Mühəndislik fəlsəfəsi” 24 Fevral 2020, 18:14