Arxiv
15 Fevral 2020, 17:47 | MEDİA
51 yaşını qeyd edən baş redaktor: “Jurnalistikada 35 yaşadək qalmağı düşünürdüm” - MÜSAHİBƏ

Bu gün “Şərq” qəzetinin baş redaktoru Akif Aşırlının 51 yaşı tamam olub.

 

Akif Aşırlı 1969-cu il fevralın 15-də Qazax rayonunun Daş Salahlı kəndində doğulub. 1986-cı ildə Daş Salahlı kənd 1 saylı orta məktəbini bitirib. 1988-1990-cı illərdə keçmiş SSRİ ordusunda hərbi xidmətdə olub. 1999-cu ildə BDU-nun tarix fakültəsini bitirib. BDU-da təhsil aldığı illərdə paralel olaraq Azərbaycan Jurnalist Sənətkarlığı İnstitutunda oxuyub.

2005-ci ildə "Təfəkkür" Universitetində jurnalist ixtisası üzrə magistr dərəcəsi alıb.

Orta məktəb illərindən başlayaraq dövri mətbuatda məqalələri və bədii yazıları çap olunub. Jurnalistlik fəaliyyətinə "7 gün" qəzetində başlayıb və bir müddət "Müxalifət" qəzetində çalışıb. 1996-cı ildə "Şərq" qəzetini təsis edib. Həmin vaxtdan etibarən "Şərq"in baş redaktorudur.

 

1993-cü ildə ABŞ-ın rəsmi dövlət agentliyi USAİD-in dəvəti ilə bu ölkədə olub. 2005-ci ildə İsveçin Stokholm şəhərində keçirilən Dünya Azərbaycanlıları Konqresində məclis üzvü və məclis katibi seçilib. 2007-ci ilə qədər bu vəzifəni icra edib.

"Ağlama, Damcılı bulağı", "Türkün Xocalı soyqırımı", "Nəriman Nərimanovun Kremildə qətli", "Cümhuriyyət mətbuatında Qafqaz İslam Ordusu", "Azərbaycan mətbuatı tarixi (1875-1920)”  kitablarının müəllifi, "Bağanıs Ayrım soyqırımı" kitabının həmmüəllifidir. Tarix üzrə fəlsəfə doktorudur. 2005-ci ildə Akademik Yusif Məmmədəliyev adına mükafata layiq görülüb. 2005-ci ildə jurnalistikanın inkişafında xidmətlərinə görə Azərbaycan Prezidentinin sərəncamı ilə "Tərəqqi" medalı ilə mükafatlandırılıb. Ailəlidir, üç övladı var.

 

Akif Aşırlının Modern.az-a müsahibəsini təqdim edirik.

-51 yaş üçün ən böyük arzunuz, istəyiniz nədir?

-Təbii ki, insanlar arzularla yaşayır və gələcəyə çox böyük ümid bəsləyir. Bu baxımdan mənim də arzularım Azərbaycanla, cəmiyyətin inkişafı və ailəmlə bağlıdır. Ən böyük arzum budur ki, biz Qarabağın açarını tapa bilək. Cəmiyyətdə artıq bu yöndə ciddi oyanışın şahidiyik. İstəyərdim ki, bu həm də Azərbaycan mətbuatına təsir etsin. Azərbaycan jurnalisti əsl peşəkar fəaliyyətiini uğurla davam etdirə və layiqi məqamına çata bilsin. Azərbaycan gəncləri ilə bağlı da çox ümidliyəm. Düşünürəm ki, çox sağlam nəsil formalaşır. Arxaya baxanda necə çətin zamanı geridə qoyduğumuzu anlayırıq. Bu çəkilən əziyyətlər artıq öz bəhrəsini verir və çox fəal gənclik formalaşır. Arzu edirəm ki, bu gənclik Azərbaycanın inkişafına öz töhfəsini verə bilsin.

 

-Akif müəllim yaş da 50-ni keçir. Yaş artdıqca məhdudiyyətlər çoxalmır? Yəni yaşın çoxluğu işə mane olmur ki?

-İllər irəlidikcə adam baxıb fikirləşir ki, nəyi etmişəm və nəyi etməmişəm. Mənim Şərq qəzetinin inkişafı ilə bağlı arzu və planlarım çox idi. Düzdür o arzuların əksəriyyətinə nail olmuşuq, amma hələ də reallaşdıra bilmədiyim planlar var. Artıq yeni media bütünlüklə həyatımıza siraət edib. Yeni medianın bu cür inkişaf etdiyi vaxtda biz klassik medianı da yaşatmağı bacarmalıyıq. Artıq yaş üstünə yaş gəlir, təcrübə imkan verir ki, nəyi necə edək. Jurnalistika tariximizin araşdırılması sahəsində boşluqlar var. Əvvəl də araşdırma etsəm də yenə bu işdən kənara çəkilmirəm. İndi də arxivlərə gedirəm, araşdırma materailların çox olmasına çalışıram.

 

-Artıq texnologiyanın inkişafı çap mediasını bir qədər arxa plana atır. Bu məsələ qəzetçiliyə marağınızı azaltmır ki?

- Əslində yeni media dediyimiz saytlar, xəbər portalları da ənənəvi medianın tərkib hissədir. Klassik media ənənələrini qoruyub saxlayan saytlar daha peşəkardır. Hər şey ənənələrin inkişafı üzərində qurulmalıdır, ənənələrsiz inkişaf da ola bilməz. Biz klassik media ənənələrindən; nə Üzeyir Hacıbəyovdan, nə Məmməd Əmin Rəsulzadədən, nə də Nəriman Nərimanovdan imtina edə bilmərik. Həsən bəy Zərdabinin qoyduğu ənənlərini müasir medianın  bönövrə daşı da hesab etmək olar.Yeni media indi böyük üstünlüklər verir, bu vəziyyət də qəzetlərin yaşam imkanlarını azaldır.Ancaq biz yeniləşən medianın içərisində çap mətbuatını qoruyub saxlamaq barədə düşünməliyik. Düşünürəm ki, dövlət öz dəstəyini hər zaman kalssik mətbuata, çap mətbuatına verib. Lakin biz dövlətin üzərində daima yük olaraq qalmamalıyıq. Reklam bazarı formalaşmalı, yayım siyasətinə yenidən baxılmalıdır.Yeni media sistemində yeni baxışlar. konsepsiyalar lazımdır. İstehsal etdiyimiz məhsulun bazarlanmasında problem var. Online  jurnalistika da hələ yeni olduğu üçün biz bu sahədə tam peşəkar ola bilmirik. Klassik media ənənələrindən imtina bilavasitə bizim mətbuat ənənələrimizin məhv olması deməkdir. Problemlərin birgə həlli yolu tapılmalı, maliyyə prinsipləri yenilənməlidir. Çap mediası ilə bərabər yeni medianın da dövlət tərəfindən dəstək alması bizim ən mühüm vəzifəmiz olmalıdır. 

 

-Nə vaxtsa jurnalistikadan getmək barədə düşünmüsünüz?

- Əvvələr düşünürdüm ki, 35 yaşadək jurnalist kimi çalışım. Sonra başqa sahələrdə özümü sınayaram. Lakin həyat onu göstyərdi ki, mən jurnalistikasız özümü təsəvvür edə bilmirəm. Jurnalistika daimi olaraq araşdırmaq, yazmaq qabiliyyətini hər yaşda insanda qorumağı bacaran bir peşədir.Bəlkə də, 5 ay sonra ya da 1 il sonra jurnalistikadan getdim. Mənim üçün önəmli olan odur ki, Şərq qəzetində. bəlkə də bu mətbu orqanı məndən də yaxşı idarə edə biləcək kadrlar var. Ola bilsin ki, onlar gələcəkdə məndən də yaxşı ideyalar versinlər. Hər zaman işçi kollektivinin fikrinə həm qəzetin çap versiyasında həm də elektron versiyasına önəm verirəm. Əgər görsəm ki, artıq qəzetdə lazım deyiləm və kollektiv daha da inkişaf edər onda redaktorluqdan gedə bilərəm. Amma Bakı Dövlət Universitetində Jurnalistika fakültəsində müəllim kimi çalışmaq istəyirəm. Tələbələrlə öz qazandığım təcrübəni bölüşmək istəyirəm. Artıq buna tam hazıram.

 

-Sizcə müdir, baş redaktor olmaq asandır ya sıravi işçi?

-Jurnalistlərlə yaradıcılıq mübahisələri olan zaman onlara həm qarğış həm də alqış kimi baş redaktor olmağı arzu edirəm. Deyirəm ki, onda mənim nə çəkdiyimi yaxşı bilərsiniz. Təbii ki, işçi kimi verilən tapşırıqları yerinə yetirmək, yaradıcılıqla məşğul olmaq özü də bir məsuliyyətdir. Ancaq hesab edirəm ki, yenə də baş redaktor olmaq daha çətindir. Tək yazmaqla iş bitmir. Bu yazıları cəmiyyətə çatdıra biləcək sistemi qurmaq lazımdır. Bu sistemi planlamaq, və real təhlükələrdən qorunmaq üçün baş redaktorun iradəsinə,əzminə ehtiyac var. Buna görə də hesab edirəm ki, baş redaktor, rəhbər olmaq elə də yaxşı bir vəzifə deyil.

 

-Xüsusi olaraq gözlədiyiniz bir təbrik, yaxud da hədiyyə var?

-Həm xaricdən həm də ölkədən xeyli sayda təbrik gəlib, onların hər birinə minnətdaram. Xüsusi olaraq təbrik gözlədiyim ailəmdir. Övladlarım hazırda Türkiyədədir, elə səhər açılan kimi zəng edib məni təbrik etdilər. Anamın, xanımımın təbriki mənim üçün ən gözlənilən və mühüm təbrikdir. Mənim üçün ən dəyərli hədiyyə də yaxınlarımın və dostlarımın təbrikləridir. Heç vaxt təmtəraqlı ad günü keçirməmişəm nə də ki, xüsusi hədiyyə gözləməmişəm. Kimsə mənə dəyər verib təbrik edirsə bu mənim üçün ən böyük hədiyyədir.

BU KATEQORİYADAN OLAN DİGƏR XƏBƏRLƏR
+ Arxiv
Xuraman Şuşalı 100 min xərclədiyi evini satışa çıxardı - VİDEO 19 Sentyabr 2020, 19:25 BDU-nun professorunu iş yerinə buraxmadılar - SƏBƏB 19 Sentyabr 2020, 19:11 Tofiq Yaqublu ilə bağlı qərar müxalifət üçün testdir - Azay Quliyev 19 Sentyabr 2020, 19:03 Prezident Qarabağ barədə DANIŞDI: “Xalq bilməlidir nələr baş verir” 19 Sentyabr 2020, 18:28 Azərbaycanda reanimasiyada olan COVİD-19 xəstələrinin sayı açıqlandı 19 Sentyabr 2020, 18:20 Naqif Həmzəyev: “Əsrin müqaviləsi”nin uğurlu icrası Azərbaycanın gücünə güc qatır" 19 Sentyabr 2020, 18:12 Konstitusiya referendumuna ehtiyac varmı… – Partiya liderlərindən MÜNASİBƏT 19 Sentyabr 2020, 18:03 Sumqayıtın yanından keçəndə hər kəs pəncərəni bağlayırdı ki….” – Ölkə başçısı 19 Sentyabr 2020, 17:52 1 həftəyə 13 milyard dollar QAZANDI 19 Sentyabr 2020, 17:40 İlham Əliyev: Bu gün Azərbaycan bütün reytinqlərdə ən qabaqcıl yerlərdədir 19 Sentyabr 2020, 17:31 Prezident təməlqoyma mərasimində... - YENİLƏNİB 19 Sentyabr 2020, 17:24 Komitə sədri seçicilərlə onlayn görüş keçirdi - FOTO 19 Sentyabr 2020, 17:22 Gəncədə 22 yaşlı oğlan naməlum şəraitdə bıçaqlanıb 19 Sentyabr 2020, 17:13 Azərbaycanda koronavirus: 148 yoluxma, 177 sağalma, 2 ölüm 19 Sentyabr 2020, 16:54 “İrsimiz məsuliyyətimizdir” adlı layihənin ilk tədbiri keçirilib 19 Sentyabr 2020, 16:23 Prezidentdən xatırlatma: “O vaxtlar rayonlarda ümumiyyətlə, qaz deyilən şey yox idi” 19 Sentyabr 2020, 16:10 Putin “Avanqard” raket kompleksinin müəllifinin adını açıqlayıb 19 Sentyabr 2020, 15:55 Hərbi Dəniz Qüvvələrindən TƏKZİB: “Bədniyyətli şəxslərdir” 19 Sentyabr 2020, 15:22 Dünyanın ən yaşlı sakini yeni REKORD VURDU 19 Sentyabr 2020, 15:11 İranda virusdan ölənlərin sayı 24 mini keçdi 19 Sentyabr 2020, 14:56 Türkiyə televiziyasında “Üç cizgi” adlı Azərbaycan proqramı yayımlanacaq  19 Sentyabr 2020, 14:48 1,8 milyon manatı mənimsəyən şirkət rəhbəri ilə bağlı istintaq aparılıb 19 Sentyabr 2020, 14:40 Erməni hakerlər Tarix İnstitutunun araşdırmalarını dərc edən KİV-ə hücum ediblər 19 Sentyabr 2020, 14:30 “Ölkəmizin həm siyasi, həm iqtisadi nailiyyətləri böyük dərəcədə neft-qaz amilinə söykənir” 19 Sentyabr 2020, 14:16 Azərbaycan neftinin qiyməti ucuzlaşdı 19 Sentyabr 2020, 14:14 Oğuzda heyvanların kütləvi zəhərlənməsinin qarşısı alınıb 19 Sentyabr 2020, 14:05 Deputat Tofiq Yaqublu ilə bağlı qərarı “cəza siyasətinin humanistləşdirilməsi” sayır 19 Sentyabr 2020, 14:01 Müxalifət niyə birləşə bilmir? – Sabir Rüstəmxanlı səbəbləri AÇIQLADI 19 Sentyabr 2020, 13:50 SOCAR 2035-ci ilə qədər planlarını ELAN ETDİ 19 Sentyabr 2020, 13:41 Paşinyanin arvadı erməni qadınlarını yenidən hərbi təlimə TOPLAYIR 19 Sentyabr 2020, 13:32 Çay haqqında bilmədiklərimiz 19 Sentyabr 2020, 13:25 Bağlanmış bankların əmanətçilərinə qaytarılan MƏBLƏĞ 19 Sentyabr 2020, 13:12 Prokurorluq fəhlənin ölümü ilə bağlı məlumat yaydı 19 Sentyabr 2020, 12:55 Əmək pensiyaları ilə bağlı hansı dəyişikliklər olacaq?  19 Sentyabr 2020, 12:33 FHN Bakıdakı yanğınla bağlı MƏLUMAT YAYDI 19 Sentyabr 2020, 12:29