Arxiv
11 Aprel 2020, 14:42 | PARLAMENT
“Əvvəllər karantin qadağaları ilə bağlı intizamsızlıq çox idi” - Deputatlar

Hazırda dünyada olduğu kimi, ölkəmizdə də əsas müzakirə mövzusu COVİD-19 pandemiyasıdır. Nazirlər Kabineti yanında Operativ Qərargahın məlumatına görə, Azərbaycanın bir çox rayonlarında koronavirusa yoluxma halı müəyyən olunub.

 

Bu barədə Modern.az-a danışan Milli Məclisin deputatları da vəziyyəti təsdiq ediblər.

Deputatlar seçildikləri dairələrlə mütəmadi əlaqə saxladıqlarını, vəziyyətlə maraqlandıqlarını qeyd ediblər.

71 saylı Masallı kənd seçki dairəsinin deputatı Anar İsgəndərli qeyd edib ki, biz bir neçə gün öncə deputat Məşhur Məmmədovla birlikdə, Yeni Azərbaycan Partiyasının da dəstəyi ilə 1400 aztəminatlı ailəyə yardımı həyata keçirilib:

 

“Maddi çətinliyi olan ailələrə ərzaq təminatı etməklə yanaşı, #evdeqal çağırışı ilə bağlı maarifləndirmə həyata keçirdik. İnsanlara başa saldıq ki, sağlamlığını qorumaq üçün onların evdən çıxmaması, bir müddətlik başqaları ilə canlı ünsiyyətdən kənar olması vacibdir.

Koronavirus infeksiyası ilə yanaşı hökumət əlindən gələni edir. Bizim üzərimizə düşən isə qayda-qanunlara, qoyulan qadağalara riayət etməkdir. Bir müddətlik çətinlikdən sonra hər kəs yenidən əvvəlki həyat tərzinə qayıdacaqdır. Mən əminəm ki, Cənub rayonlarında insanlar arasında apardığımız təbliğatın nəticəsi müsbətdir. Masallı rayonunda koronavirusa yoluxma ehtimalı artıq çox aşağı düşüb.

Masallı sərhəd rayonudur. Bir tərəfdən Lənkəran, digər yandan isə Cəlilabad ilə qonşuyuq. Hər iki qonşu rayonda koronavirusa yoluxma halı qeydə alınıb. Masallıda isə hələlik cəmi bir nəfərin koronavirus testi müsbət çıxıb. Ümid edək ki, bundan sonra da yoluxma halı artmayacaq. Ətraf rayonlarda koronavirusa yoluxanlar da sağalıb, evlərinə, ailələrinə qayıdacaqlar”.

 

  • İsgəndərli mütəmadi olaraq, öz dairəsi ilə əlaqə saxladığını vurğulayıb:
  • “Ərkivan kəndində yeni bir fond yaradılır. İmkansız ailələrə yardımla bağlı fondun yaradılması təşəbbüsünə mən də öz xeyir-duamı çatdırdım. Vahid bir qərargah yaradıldıqda, bir kənddən digərinə yardım aparmaq problem olur. Çünki hər kəndin giriş-çıxışında polis nəzarəti var. Hər kəndin özündə dəstək icması yaradılarsa, imkansız ailələrə kömək daha da asanlaşar. Mənim bununla bağlı müraciətimə ilk olaraq elə Azərbaycanın ən böyük kəndi olan Ərkivan qoşuldu. Mən özüm də yeni fonda əlimdən gələn maddi dəstəyi göstərdim.

    Dünyada ən dəhşətli silah qorxudur. İnsanları maarifləndirmək məhz bu qorxunu yox etmək üçün vacibdir. Biz anlamalıyıq ki, bütün inkişaf etmiş ölkələri bürüyən koronavirusun bizə zərər vurmaması üçün deyilənlərə əməl etməliyik”.

     

    90 saylı Ağdaş seçki dairəsinin deputatı Cavid Osmanov isə Ağdaş rayon xəstəxanasının zona xəstəxanası edildiyini və həmin bölgədə koronavirusa yoluxan xəstələrin burada müalicə olunduğunu diqqətə çatdırıb:

    “Xəstəxanada pasiyentlər üçün bütün tibbi şərait yaradılıb. Həkimlərimiz gigiyenik qaydalara əməl etməklə, ora daxil olan xəstələri tam nəzarətdə saxlamağa, yayılmanın qarşısını almağa çalışırlar.

    Təmsil etdiyim dairədə də Operativ Qərargahın bütün tapşırıqları icra edilir, qadağalar tətbiq olunur. Bəzi hallarda karantin qaydalarını pozmağa cəhd edənlər də olur. Amma Daxili İşlər Nazirliyinin əməkdaşları cümlədən Rayon İcra Hakimiyyətinin səlahiyyətli işçiləri əhaliyə bununla bağlı xəbərdarlıq edir, maarifləndirirlər. Fürsətdən istifadə edib, vətəndaşlarımızın hər birinə müraciət edirik ki, bu həssas döəmdə karantin rejiminin qaydalarına əməl etsinlər”.

     

    68 saylı Cəlilabad kənd seçki dairəsinin deputatı Elman Nəsirov da Cəlilabad rayon Mərkəzi Xəstəxanasında koronavirusdan müalicə alan, eyni zamanda karantin rejimində saxlanan insanların olduğunu vurğulayıb.

    Deputat qeyd edib ki, mütəmadi olaraq, xəstəxananın baş həkimi ilə telefon danışığı aparır:

    “Həkim qeyd edir ki, bütün tədbirlər görülüb, xəstələrin sayı, yoluxmanın artıb-artmaması barədə TƏBİB-ə müntəzəm məlumat verirlər. Əsas tapşırıq budur ki, #evdeqal çağırışına riayət edilsin, koronavirusdan qorunmaq üçün tələb olunan qaydalar yerinə yetirilsin. Yalnız kənd yerlərində əkin-biçinlə məşğul olan şəxslərə sahəyə getməyə qısamüddətli icazələr verilir. Ümumilikdə isə polis postları qurulub, bütün rayonlarda olduğu kimi Cəlilabadda da karantin qaydalarına əməl olunmasına ciddi nəzarət həyata keçirilir. Əvvəllər açıq demək lazımsa, nizam-intizamsızlıq daha çox idi. Amma indi insanlar qadağalara daha məsuliyyətlə yanaşırlar. Hər kəs artıq dərk edir ki, yoluxma tendensiyası getdikcə artırsa, yoluxanların sayı sağalanlardan bir neçə dəfə çoxdursa, deməli vəziyyət ciddidir.

     

    Cəlilabad rayon icra başçısının müavini Alıcı Dilavərov da karantin xəstəxanasında müalicə alır. Onun koronavirus testi müsbət çıxıb, mütəmadi əlaqə saxlayırıq və səhhətində heç bir problem olmadığını deyir”.

    E. Nəsirov onu da qeyd edib ki, rayonda maddi imkanı yaxşı olan şəxslər imkansız ailələrə yardımlar edirlər:

    “Amma bəzən belə fikirlər səsləndirirlər ki, deputatlar insanlara ərzaq dəstəyi göstərməlidir. Lakin məntiqlə düşünmək gərəksə, hər bir deputatın 40 mindən çox seçicisi var. Deputat hansı kəndə, hansı ailələrə yardım etsə, digərləri bundan incik düşə bilər, ayrıseçkilik kimi qiymətləndirə bilərlər. Bütün dairənin sakinlərinə sözügedən yardımları etmək isə fiziki cəhətdən də, maddi cəhətdən də çox çətin prosesdir. Ona görə, biz deputatlar ölkə başçısının çağırışına qoşularaq Koronavirusla Mübarizəyə Dəstək Fonduna öz maaşımızın bir hissəsini köçürdük. Beləliklə, fond çərçivəsində insanların sosial problemlərinin həlli üçün bu vəsaitdən istifadə ediləcək”.

     

     

     

     

    BU KATEQORİYADAN OLAN DİGƏR XƏBƏRLƏR
    + Arxiv
    Serbiya prezidenti İlham Əliyevə vəd verdi - Ermənistana satılan silahlarla bağlı araşdırma aparılacaq 7 Avqust 2020, 14:16 Sabahın hava PROQNOZU 7 Avqust 2020, 14:01 Biləsuvar sakini qohumu tərəfindən qətlə yetirilib 7 Avqust 2020, 13:47 Nazir Sahil Babayev: “5 milyona yaxın insanı geniş sosial paketlə əhatə etdik” 7 Avqust 2020, 13:47 Neftçalada 1 nəfər çayda batıb 7 Avqust 2020, 13:35 SOCAR yanğınla bağlı MƏLUMAT YAYDI 7 Avqust 2020, 13:28 DİM qəbul imtahanlarının vaxtını ELAN ETDİ - QRAFİK 7 Avqust 2020, 13:22 SOCAR-ın Sumqayıtdakı zavodunda yanğın: 7 nəfər yaralanıb - YENİLƏNİB 7 Avqust 2020, 13:20 Nazir: “13 min nəfərin 190 manatlıq ödənişi dayandırılıb” 7 Avqust 2020, 12:50 Türkiyədə 53 min insanın yaşadığı ərazi karantinə alınıb 7 Avqust 2020, 12:31 Koronavirusa yoluxan məhbusların hamısı sağalıb - RƏSMİ 7 Avqust 2020, 12:26 Prezident dövlət şirkətlərini niyə tənqid etdi? - Ekspertlər: “Problem ciddidir” 7 Avqust 2020, 12:18 Azərbaycanda qızıl rekord həddə bahalaşıb 7 Avqust 2020, 12:16 Milli Məclisin növbədənkənar sessiyası başa çatdı 7 Avqust 2020, 12:05 Nazirlik rəsmisindən Xəzərlə bağlı ÇAĞIRIŞ 7 Avqust 2020, 12:05 DYP: 334 nəfər cərimələndi, 870 avtomobil postlardan geri qaytarıldı 7 Avqust 2020, 12:02 Bu il pensiya təyin olunan vətəndaşların sayı AÇIQLANDI 7 Avqust 2020, 11:57 Siyavuş Novruzov: “Keçmişi yaddan çıxartamalıyıq - vaxt vardı, Azərbaycanda yol, qaz, işıq yox idi” 7 Avqust 2020, 11:55 “Məhbuslar koronavirusla bağlı kurslara cəlb olunub” – Nazirlik 7 Avqust 2020, 11:53 “İşsizlikdən sığorta haqqında” qanuna dəyişiklik qəbul edildi 7 Avqust 2020, 11:51 Milli Məclisdə Rövnəq Abdullayevlə Cahangir Əsgərov TƏNQİD EDİLDİ: “Heç telefonu qaldırmır... nəticəsi ağır olacaq” 7 Avqust 2020, 11:48 Azərbaycanda “COVİD-19” testləri niyə bahadır? - Deputat DANIŞDI 7 Avqust 2020, 11:31 4 aylıq 190 manat ödəmələr üçün 333 milyon manat xərclənəcək 7 Avqust 2020, 11:28 “Qara qitə”də koronavirusa yoluxanların sayı 1 milyonu keçdi 7 Avqust 2020, 11:27 Milli Məclis işsizliklə bağlı qanuna dəyişikliyə “hə” dedi 7 Avqust 2020, 11:26 “Məşğulluq haqqında” qanuna dəyişiklik qəbul edildi 7 Avqust 2020, 11:23 Nazir: 190 manat birdəfəlik ödəmələr yaxın günlərdə veriləcək 7 Avqust 2020, 11:21 Milli Məclis büdcə dəyişikliyini III oxunuşda qəbul etdi 7 Avqust 2020, 11:15 Milli Məclisin iclası başlayıb - 6 sənəd III oxunuşa çıxarılıb 7 Avqust 2020, 11:08 Ermənistanda virusa yoluxanların və ölənlərin sayı artdı 7 Avqust 2020, 11:06 Şəmkirçay su anbarında köməksiz qalan 2 nəfər xilas edildi 7 Avqust 2020, 10:56 Şəmkirdə 21 yaşlı gənc iş yoldaşını bıçaqladı 7 Avqust 2020, 10:44 Diaspor hərəkatının dönüş nöqtəsi: “Diaspor himni” - VİDEO 7 Avqust 2020, 10:10 Bakıda 502 güzəştli mənzil satışa çıxarıldı 7 Avqust 2020, 10:05 Ermənistan ordusu Tovuz rayonunu yenidən atəşə tutdu 7 Avqust 2020, 09:59