Birləşmiş Ərəb Əmirlikləri hökumətinin sifarişi ilə BMT “Gələcəyin imkanları haqqında hesabat” hazırlayıb.
Modern.az xəbər verir ki, Azərbaycan Dövlət İqtisad Universitetinin (UNEC) rektoru, professor Ədalət Muradovun qənaətinə görə, COVİD-19 pandemiyası ilə yaranmış böhrandan ən yaxşı çıxış yollarına dair təkliflərin hazırlanması tədqiqatçılar qarşısında qoyulan əsas vəsifə olub:
"Beləliklə, postpandemiya dövründə dünyada hansı yeni imkanlar yaranacaq?
Hesabatda altı meqatrend müəyyən edilmiş və hökumətlərə, biznes liderlərinə həmin meqatrendlərə uyğunlaşmaq tövsiyyə edilib.
Hesabat müəlliflərinin fikrinə görə, yaxın beş ildə, yəni 2025-ci ilə qədər dünyada 8 trilyon dollardan çox həcmdə yeni bazar Exabyte economy hesabına yaranacaq. Eləcə də, sosial-iqtisadi inkişaf baxımından Wellbeing Economy 7 trilyon, Net Zero Economy 2.3 trilyon, Circular Economy 4,5 trilyonn, BioGrowth Economy 1 trilyon və Experience Economy 6,5 trilyon dollar həcmində yeni imkanlar yaradacaq".
