Modern.az

Tanınmış fotojurnalist vəfat edib

Tanınmış fotojurnalist vəfat edib

Allah rəhmət eləsi̇n

28 Avqust 2020, 08:22

Azərbaycanın tanınmış fotojurnalisti Fərid Xayrulin vəfat edib.

Modern.az xəbər verir ki, bu barədə Mətbuat Şurasından bildirilib.

Əməkdar mədəniyyət işçisi F.Xayrulin Azərbaycan Jurnalistlər Birliyi, Rəssamlar İttifaqı, Fotoqrfalar Birliyinin üzvü idi.

Milliyətcə tatar olan Fərid Xayrulin 1956-cı ildə Bakı şəhərində anadan olub.
1965-ci ildə Azərbaycan Neft-Kimya İnstitutunun energetika fakültəsinə daxil olub. 1969-cu ildə Ulyanov-Lenin adına Kazan Dövlət Universitetinin jurnalistika fakültəsinə daxil olub. Sonra Azərbaycan Dövlət Universitetinə keçib, jurnalistika ixtisası üzrə diploma yiyələnib.

O, 1988-ci ildən başlayaraq “Azərinform” agentliyində işləyib. Fərid Xayrulin Dağlıq Qarabağ hadisələrilə bağlı müxtəlif mövzuları işıqlandırıb. 1989-cu ildə o, erməni silahlı qruplaşmalarının blokadada saxladığı Şuşa şəhərinə birinci humanitar kömək karvanı müşayiət edib.

Fərid Xayrulin erməni millətçilərinin Dağlıq Qarabağda törətdikləri terror aktları barədə məlumat təqdim edən ilk fotomüxbirdir
1990-cı il 20 yanvar faciəsini xarici agentliklərə - AP, France-Presse, Gamma, Sipa, Reuters-ə çatdırıb.

F.Xayrulin 1990-cı ildə Moskvadan qayıdan Heydər Əliyevi Bakı hava limanında qarşılayan yeganə jurnalist olub. O,həm də həmin ildə Naxçıvandan Bakıya gələn Heydər Əliyevi qarşılayan yeganə fotojurnalist olub.

Fərid Xayrulin 1966-cı ildən 1992-ci ilədək respublikanın müxtəlif dərgilərində çalışıb: “Abşeron”,”Azərbaycan gəncləri”, “Vışka”, “Bakı-Baky”.

2010-cu ildə prezidentin sərəncamı ilə Xayrulin Fərid Həbibulla oğluna “Əməkdar Mədəniyyət İşçisi” adı verilib.

Allah rəhmət eləsin!

Youtube
Kanalımıza abunə olmağı unutmayın!
Keçid et
Ukraynadan Rusiyaya ardıcıl zərbələr: Vəziyyət kritikdir