İranda təlim təyyarəsi qəzaya uğrayıb.
Modern.az xəbər verir ki, hadisə ölkənin Əlborz vilayətinin Nəzərəbad bölgəsində qeydə alınıb.
Məlumata görə, təyyarə təlim üçün havaya qalxdıqdan az sonra qəzaya uğrayıb. Hadisə nəticəsində 2 nəfər ağır yaralanıb.
Vilayətin səhiyyə xidmətləri idarəsinin rəisi Mehrdad Babayi mətbuat nümayəndələrinə bildirib ki, yaralılar helikopterlə yaxınlıqdakı Kərəc şəhərinə aparılıb və xəstəxanaya yerləşdirilib. Onların vəziyyəti çox ağır qiymətləndirilir.
İranın hüquq-mühafizə orqanları hadisə ilə əlaqədar araşdırma aparır.