Arxiv
6 Aprel 2021, 14:52 | ƏDƏBİYYAT
“Xarala heyva yox, alma atarlar...”

Akif Cabbarlı


Yaxşı yadımdadır, 2008-ci ilin iyulunda – Çin Olimpiadası ərəfəsində MDB ölkələrini təmsil edən bir qrup jurnalist bu ölkəyə yaradıcılıq ezamiyyətinə yollanmışdı. Onların arasında AzərTac-ın əməkdaşı Vladimir Morozkov və “Azərbaycan” qəzetinin xüsusi müxbiri kimi bu sətirlərin müəllifi də vardı. Səfərimizin məqsədi Olimpiadaya hazırlığın vəziyyətini öyrənmək və mətbuatda işıqlandırmaq idi.


Müxtəlif respublikalardan gələn jurnalistlər ilk gündəncə Pekinin yüksək komfortlu otelinin vestibülündə dərhal dostlaşdılar və hamılıqla Çin Xarici İşlər Nazirliyinin təşkil etdiyi tədbirlərdə fəal iştirak etməyə başladıq. İyirmi günlük səfər proqramımız çox zəngin idi – Pekinəki və əyalət şəhərlərindəki nəhəng idman arenalarına baş çəkir, müvafiq strukturların fəaliyyəti ilə tanış olur, xüsusi təyyarə reysləri ilə ölkənin cənubunadək səfərlərə çıxır, Çinin mədəniyyəti, iqtisadiyyatı, əhalinin həyat tərzi ilə ətraflı tanış olurduq. Sonralar mən işlədiyim qəzetdə “Çində əsl pələng sımrayışı” adlı silsilə yazılarımda səfər təəssüratımı oxucularla bölüşmüşəm. İndi isə səfər zamanı rastlaşdığımız və iştiakçısı olduğumuz maraqlı məqamlardan birini xatırlamaq istərdim.


...Əyalətlərdən birində yaraşıqlı qəsəbənin girəcəyində bizi lap Sovet vaxtlarında olduğu kimi şüarlarla, transparantlarla, milli musiqi sədaları altında qarşıladılar. İstər-istəməz SSRİ vaxtında kolxozlara gedən təşviqat briqadalarının qarşılanma prosesini yada saldıq. İndi haqq dünyasında olan Volodya təmiz azərbaycanca, şirin Bakı ləhcəsi ilə dedi ki, qədeş, adam özünü lap geroy sostruda (Sosialist Əməyi Qəhrəmanı – A.C.) kimi hiss edir ha. Nə isə. Bizim gəlişimiz münasibətilə təsərrüfatın əksər üzvləri açıq səhnə ətrafına toplaşdı və çal-çağır başladı. Bir az keçmiş konfransiye elan elədi ki, indi qonaqlar öz dillərində mahnı oxuyacaq və onlara məxsusi hazırlanmış hədiyyələr də təqdim olunacaq. Dərhal yanımızda oturan Livan əsilli erməni Mesropa qəti olaraq tapşırdıq ki, olma-ola “Sarı gəlin”i oxuyasan, sonra bizdən küsmə, axırın pis qurtaracaq. Çünki Ermənistanın adının əlifba sırası ilə əvvəl çəkilmək ehtimalı vardı. Amma elə oldu ki, çinli aparıcı Azərbaycandan gələn qonaqları birinci dəvət elədi. Vladimirlə birgə səhnəyə qalxdıq. Bildiyim qədər rus dostum da musiqi ilə, oxumaqla o qədər də yaxınlıq eləmirdi, amma geriyə yol yox idi. Volodya çubuqları götürüb iri dəfi döyəclədi və biz ikilikdə yadımızda olan milli Azərbaycan mahnılarını alababat səsləndirməyə çalışdıq. Çox həyəcanlı anlar yaşadıq. Bir onu eşitdim ki, Volodya zarafatyana tərzdə “almanı atdım xarala” misrasında arabir heyva sözünü də səsləndirir. Sonra mən oxuya-oxuya ha çalışdımsa da, mahnı “heyvanı atdım xarala” kimi Çin səmasında yayılmaqda idi. Nə isə, avtomatik olaraq mahnılar bir-birini əvəz edirdi. Sonra “sarı gəlin”i təriflədik, “yarın bağçasına” girdik, daha sonra “qaragilə” dərdik və s. və i.


Hədiyyələrimizi götürüb bir kənara çəkilmişdik ki, orta boylu bir çinli oğlan bizə yaxınlaşdı və gülə-gülə astadan təmiz azərbaycanca dilləndi:


-Əziz dostlar, yaxşı oxudunuz, amma mən bilən sizlərdə xarala heyvanı yox, almanı atarlar axı...


Sonra o, əlini çiynimə qoyub xoş bir təbəssümlə sözünə davam elədi:


-Qardaş, keçən payız Bilgəh sanatoriyasının həyətində məndən əla bir kitayski elektrik fanarı aldın ha, qiymətdə də sənə bir balaca keçmişdim, yadından çıxmamışam ki, Van Tut Sunam da...

 

 

BU KATEQORİYADAN OLAN DİGƏR XƏBƏRLƏR
+ Arxiv
"Mançester Siti" Avropa Super Liqasını tərk edir 21 Aprel 2021, 00:59 ABŞ Dövlət Departamenti Rusiyanı təcavüzkar adlandırdı 21 Aprel 2021, 00:43 Paşinyan təcili Zəngəzura GETDİ 21 Aprel 2021, 00:30 Bakının mərkəzində yanğın 21 Aprel 2021, 00:15 Zelenski Putini Donbasda görüşə çağırdı 21 Aprel 2021, 00:07 “ABŞ prezidenti “erməni soyqırımı” deməməlidir” - Çavuşoğlu   20 Aprel 2021, 23:58 “Mançester Yunayted”in prezidenti istefa verdi 20 Aprel 2021, 23:53 Avropa Super Liqası ləğv olundu? 20 Aprel 2021, 23:42 Rusiya MN-dən Xudavəng AÇIQLAMASI 20 Aprel 2021, 23:27 Litvada naməlum koronavirus mutasiyası tapıldı 20 Aprel 2021, 23:11 Türkiyədə virusdan ölüm sayında yeni REKORD 20 Aprel 2021, 22:59 Samuxda yas mərasimi keçirmək istəyən şəxslər saxlanıldı 20 Aprel 2021, 22:45 İngiltərənin 2 klubu Avropa Super Liqasını tərk edəcək? 20 Aprel 2021, 22:39 Əli Əsədov Rusiyaya dəvət olundu 20 Aprel 2021, 22:25 Daşkəsəndə ağır qəza - xəsarət alanlar var 20 Aprel 2021, 22:11 İlham Əliyev Hacıqabul Sənaye Məhəlləsinin açılışını etdi - YENİLƏNİB 20 Aprel 2021, 21:59 Turan Bayramov Avropa ikincisi oldu 20 Aprel 2021, 21:49 Prezident "Qarasu" yarımstansiyasının açılışında - YENİLƏNİB 20 Aprel 2021, 21:41 Zəngilanda hava limanı tikiləcək   20 Aprel 2021, 21:35 Azərbaycan xalqı Zəngəzura qayıdacaq - Prezident 20 Aprel 2021, 21:21 Boksçumuz dünya üçüncüsü oldu 20 Aprel 2021, 21:08 “Bizi bunda ittiham edənin gərək bir faiz vicdanı olsun” – İlham Əliyev 20 Aprel 2021, 20:55 Votsapda daha bir dələduzluq - diqqətli olun 20 Aprel 2021, 20:38 UEFA-dan Avropa Super Liqası ilə bağlı bəyanat 20 Aprel 2021, 20:27 “Mina xəritələrini verməmək Ermənistanın növbəti hərbi cinayətidir” – Prezident 20 Aprel 2021, 20:20 İlham Əliyev: “Azərbaycan xalqına hər şeyi olduğu kimi deməliyəm” – MÜSAHİBƏ 20 Aprel 2021, 20:10 Azərbaycan Türkiyədən 20 milyon dollarlıq avtomobil idxal edib 20 Aprel 2021, 20:06 Avropa Şurasının Baş katibi Qarabağ bəyanatından DANIŞDI 20 Aprel 2021, 19:55 Əlillik dərəcəsi təyinatından narazı qalan qazimizə ev və maşın veriləcək 20 Aprel 2021, 19:48 Bu məhsulların ölkəyə idxalına məhdudiyyət qoyuldu 20 Aprel 2021, 19:40 Abonent qaz xəttinə müdaxilə etmək üçün bu üsula əl atdı - VİDEO 20 Aprel 2021, 19:32 Goranboyda mərasim iştirakçıları məsuliyyətə cəlb olundu 20 Aprel 2021, 19:25 Nazirlər Kabinetinin sosial müavinətlərlə bağlı qərarlarında dəyişiklik etdi 20 Aprel 2021, 19:17 Yeniyetmə su kanalında batdı 20 Aprel 2021, 19:08 Paşinyan:Heç təsəvvür edirsinizmi ki, Azərbaycanla yolların açılması bizə hansı xeyri verəcək?” 20 Aprel 2021, 19:00