Ölkənin enerji təchizatında baş vermiş qəzanın aradan qaldırıldığı bildirildi
“Azərenerji” ASC ölkənin enerji təchizatında baş vermiş qəza ilə bağlı rəsmi açıqlama yayıb.
Qurumdan Modern.az-a verilən məlumatda bildirilib ki, 28.09.2012-ci il tarixdə güclü leysanla müşaiyət olunan qeyri-sabit hava şəraiti ilə əlaqədar səhər saat 6-55 radələrində ölkənin əsas stansiyası olan “Azərbaycan” İES-də ildırım vurması nəticəsində 330 kV-luq yarımstansiyada yanğın baş verib.
“İldırım vurması nəticəsində Hava Açarı və 330 kV-luq gərginlik transfatmatoru zədələnib. Nəticədə idarəetmə avtomatikasının əks-qəza avtomatika dövrələri zədələnib. Avtomatika təhlükəsizliyi zədələndiyindən sistemdə enerji fasiləsi yaranıb.
Qısa müddət ərzində görülmüş tədbirlər nəticəsində respublikanın şəhər və rayonlarında elektrik enerjisinin verilməsi tam təmin olunub.
Qeyd edək ki, yanğın FHN Dövlət Yanğından Mühafizə Xidmətinin Mingəçevir şəhər Yanğından mühafizə hissəsinin əməkdaşları tərəfindən söndürülüb”.
Modern.az