Ermənistan ordusunun keçmiş Baş Qərargah rəisi, general-polkovnik Yura Xaçaturov Qarabağ müharibəsindəki məğlubiyyətdən danışıb.
Modern.az Ermənistan KİV-nə istinadən xəbər verir ki, o 44 günlük döyüşlər zamanı buraxılan hərbi səhvlər barədə danışıb.
“Qarabağdakı ordu hissələri hamılıqla döyüş vəziyyətinə gətirilmədi, Lələ-Təpə istiqamətində əks-hücum əməliyyatı tez-tələsik hazırlanmışdı. Bundan başqa, 1-ci ordu korpusu ilk gündən döyüşlərə cəlb edilmişdi. Bu səhv idi, o ehtiyat qüvvə olaraq qalmalı idi”.
Eks-prezident Robert Koçaryanın başçılıq etdiyi seçki siyahısında iştirak edən Xaçaturov 1-ci Qarabağ Müharibəsinin fəal iştirakçısı olub.
