Bakıda piyadanın ölümü ilə nəticələnən yol-nəqliyyat hadisəsi baş verib.
Daxili İşlər Nazirliyinin (DİN) mətbuat xidmətindən Modern.az-a verilən məlumata xəbərə görə, hadisə Səbail rayonu Yeni Salyan yolunda qeydə alınıb. Belə ki, N.Qasımovun idarə etdiyi 125 saylı avtobusu yolu keçən Bakı şəhər sakini Təranə Zamanovanı vurub.
Qəza nəticəsində xəsarətlə xəstəxanaya yerləşdirilən piyada orada ölüb. Faktla bağlı araşdırma aparılır.