Azərbaycanda koronavirus (COVID-19) infeksiyasının "Mu" ştammına yoluxma faktı qeydə alınmayıb. "Mu" ştammının araşdırılması ilə bağlı müxtəlif genom analizləri aparılır.
Modern.az xəbər verir ki, bunu Ümumdünya Səhiyyə Təşkilatının (ÜST) Azərbaycandakı nümayəndəsi Hande Harmancı deyib.
ÜST rəsmisi bildirib ki, "Mu" ştammı əsasən Cənubi Amerikada geniş yayılıb:
"Yoluxma faktı ilə bağlı Azərbaycanın səhiyyə strukturlarında vaxtaşırı analizlər aparılır. COVID-19-un "Mu" ştammına yoluxma faktı qeydə alındıqda ictimaiyyətə məlumat veriləcək".
