Boş yerə demirlər ki, bu rus müğənnisi həmişə məqsədinə nail olub. Rusiya mətbuatı məşhur müğənni Lolita Milyavskayanın Rusiya prezidenti Vladimir Putinə müraciət etməsi haqda xəbərlər yayıb. Bu yaxınlarda Lolita ilə kommunal xidmət qurumlarının əməkdaşları arasında məhkəmə qalmaqalı baş vermişdi. Buna səbəb isə onların Lolitadan yaşayış obyekti üçün çox yüksək məbləğ tələb etmələri idi. Müğənni bu gərginliyə tab gətirməyərək dövlət başçısına müraciət edib. Prezident Vladimir Putin isə Lolitaya cavab verib.
Modern.az  Rusiya KİV-lərinə istinadən xəbər verir ki,  Putindən Lolitaya göndərilən məktub müğənninin elektron poçt adresinə gəlib. Prezident müğənniyə məktubunda yazıb ki, Lolitanın qaldırdığı məsələlərin yoxlanması üçün onun müraciəti Russiya Regional İnkişaf Nazirliyinə yönləndirilib. Nazirliyə yoxlama aparılması və birbaşa Lolitanın özünə cavab verilməsi əmri verilib. Bu barədə məlumatı müğənninin hüquqşünası Svetlana Botonkina da təsdiqləyib.