Arxiv
10 Avqust 2010, 18:42 | MEDİA
Jurnalistlər arasında sorğu: bu yay istirahət edə bilmisinizmi?

Azərbaycan Əmək Məcəlləsinə görə, hər bir işçinin iş yerinin və vəzifəsinin saxlanılması şərtilə illik məzuniyyət hüququ var. Dövlət qurumlarında və bir sıra özəl strukturlarda qanunvericiliyin bu tələbinə əməl olunsa da, media sahəsində vəziyyət fərqlidir. Araşdırmalar göstərir ki, əksər jurnalistlər yay mövsümündə məzuniyyətə çıxıb dincələ bilmirlər. Bununla yanaşı, işçilərinin istirahət hüququnu təmin edən redaksiyalar da var.

Modern.az bəzi jurnalistlərə “bu yay istirahət edə bilmisinizmi” sualı ilə müraciət edib. Sorğuda iştirak edən qələm sahiblərinin cavablarını təqdim edirik.

Üç nöqtə” qəzetinin redaktoru Pünhan Əfəndiyev: “Biz kollektiv surətdə bir həftəlik istirahətdə olduq. Hər şey qaydasında, yaxşı keçdi. Kollektiv istirahətimizi edib indi gəlmişik işimizə davam edirik. Bizim istirahətə getməyimiz üçün büdcəmiz münasibdir”.

“Azadlıq” qəzetinin redaktoru Sücəddin Şərifov: “Bu il istirahət etməmişəm, yalnız bir işlə bağlı - 26 iyunda - Qubaya getmişdim onda azacıq istirahət etdim. İstirahət etmək üçün vaxt yoxdu, problemlerdən imkan tapıb gedə bilmirik. Elə redaksiyamızdan da istirahətə gedən olmayıb. İstirahətə getməkdə problem maddi vəziyyət deyil, bir şey fikirləşmək olar. Sadəcə vaxt yoxdur”.

“Azadinform” İnformasiya Agentliyinin baş redaktor müavini Bayram Niftəliyev: “Bizim kollektiv 10 günlük istirahətə çıxmıdı. Əlavə olaraq hər işçi üçün bir həftəlik vaxt da verildi. Bu vaxtda isə onlar istədiyi kimi istirahətlərini edə bildilər. İstirahət müddətində işçilərin əməkhaqları da verildi, qanorarları da. Bizim agentlik öz işçilərinin vəziyyətinin yaxşılaşdırılmasına çalışır. Biz demirik ki, bizim verdiyimiz əməkhaqqı ilə gedib Antaliyaya istirahət etmək olar. Amma hər halda, bizim verdiyimiz əməkhaqqı ilə istirahətə gediləsi yerlər heç də az deyil”.

“Lent.az” portalının əməkdaşı Vüqar Baba: “Hələ istirahət etməmişəm, amma bir həftəlik getmək fikrim var. Bunun  üçün yarım aylıq əmək haqqımı gözdən çıxarmışam. Əvvəlcə Nabranı fikirləşdim, sonra Nabranda qiymətlər çox baha olduğundan Batumini seçdim. Hətta ora getmək pulunu belə hesablayanda Nabrandan ucuz başa gəlir”.

“Şərq” qəzetinin redaktoru Yusif Nəzərli: “Bizim qəzetin kollektivi bir həftəlik istirahətə getdi. Mən də doğma el-obama getdim, Gürcüstanda-Zalqada istirahət etdim. Anamın və doğmalarımın yanında oldum. Prezidentin sərəncamından bizdə faydalandıq və çox gözəl istirahət etdik. Kollektivdən isə kimi istirahətə rayona –evə getdi, kimi isə istirahət mərkəzlərinə”.

“525-ci qəzet”in baş redaktor müavini Seyfəddin Hüseynli: “Bizim işdə elə planlaşdırılıb ki, növbəli şəkildə bütün redaktorlar istirahətə getsin, amma iş dayanmasın. Mənə hələ növbə çatmayıb. Yay olduğundan qəzetimizin işi bir az yüngülləşib. Elə də ağırlıq yoxdu.  Bilirsiniz jurnalistlərin maddi vəziyyəti yaxşı olmur, buna görə də istirahətə getsəm, özümə büdcəmə uyğun yer seçəcəm. Dənizdən çox xoşum gəlir, fikirləşirəm ki, istirahətimi dəniz kənarında keçirim”.

"Xalq Cəbhəsi” qəzetinin baş redaktoru Elçin Mirzəbəyli: “Mən istirahətimi bir neçə qəzetin redaktoru ilə Türkiyədə keçirdim. Biz orda bir həftəlik olduq. İndi isə qəzetin 4 əməkdaşı istirahətdədir. Kollektivdə hamı növbəli şəkildə istirahətə gedir. Jurnalistika zehn  əməyi tələb edən bir sahə olduğundan yorucu olur. Biz də əməkdaşlarımızın istirahətə getməsi üçün əlimizdən gələni edirik”.

“Yeni Müsavat” qəzetinin redaktoru Nazim Sabiroğlu: “İyirmi günlük istirahətdə oldum. Onun 7 gününü Batumidə, 7 gününü isə Nabranda keçirdim. Redaksiyada növbəli istirahət təşkil olunub. Hazırda 3 əməkdaşımız istirahətdədir. Bəzi işçilərimiz öz rayonlarına, bəzi işçilərimiz isə istirahət yerlərinə gediblər. Biz çalışırıq ki, bütün əməkdaşlarımız istirahətdə olsunlar, çünki jurnalistika çox ağır bir sahədir”.

“Yeni Azərbaycan” qəzetinin redaktoru Nadir Azəri: “İstirahətimi Oğuz və Qəbələdə keçirdim. Mənə ayrılan müddət yorğunluğumun çıxmasına kifayət qədər bəs etdi. Bizm kollektivdə hamı növbə ilə istirahətə gedir. Hazırda əməkdaşlarımızdan istirahətdə olanlar var”.

“Mərkəz” qəzetinin redaktoru Nicat Sadıxlı: “Hələ istirahətə getməmişəm, amma planda var. Kollektivin əksəriyyəti istirahət hüququndan istifadə edib. İstirahətdən təzə gələnlər də var, hazırda istirahətdə olanlarda, mənim kimi getməyi planlayanlar da var. Bizim redaksiyada məzuniyyət haqqı ödənir, ona görə də demək olar ki, hamı məzuniyyətdə olur”.

AzərTAc-ın redaktoru Dağbəyi İsmayılov: “Mən Qalaltında 15 gün istirahət etdim. İstirahətim çox səmərəli keçdi. Təbiət, tarixi yerlər insanın bütün yorğunluğun alır. İstirahətə gedərkən büdcəmə uyğun yer seçdim. Kollektivdə hamı cədvələ uyğun dincəlməyə gedir. Agentlikdə bəzən redaksiyalar kollektiv şəkildə gedirlər”.

“Ayna” qəzetinin redaktoru Elçin Vəliyev: “Mənim istirahətə getməyə imkanım yoxdur. Maddi vəziyyətim heç də bunu təmin etmir. İmkansızlıqdan evdən çölə çıxmıram, belə istirahəti necə fikirləşə bilərəm. Kollektivdə isə rəhbərlik gedib. Qalanları isə təxminən mənim kimi düşünür”.

Vüqar Ağamalıoğlu

BU KATEQORİYADAN OLAN DİGƏR XƏBƏRLƏR
+ Arxiv
Belçika ölkəyə giriş-çıxış məhdudiyyətlərini uzatdı 6 mart 2021, 00:55 Rusiya ABŞ-ın sanksiyalarına cavab verəcək 6 mart 2021, 00:39 Tokio Olimpia Oyunları yenidən təxirə salınmayacaq 6 mart 2021, 00:24 Rəsulzadənin anım günüdür 6 mart 2021, 00:11 Ölkədə ictimai nəqliyyat üç gün işləməyəcək 6 mart 2021, 00:00 Türkiyədə koronavirusla bağlı son vəziyyət 5 mart 2021, 23:56 Somalidə güclü partlayış - 20 ölü, 30-dan çox yaralı var 5 mart 2021, 23:46 Naftalanda gənc qadın dəm qazından zəhərləndi 5 mart 2021, 23:38 Gəncədə ağır yol qəzası - VİDEO 5 mart 2021, 23:25 Bakı, Sumqayıt və Abşeronda mart ayının pensiyaları köçürüldü  5 mart 2021, 23:16 Ukrayna və Gürcüstan NATO-ya üzv olacaq 5 mart 2021, 23:08 “Biz təkcə yeddi rayonu azad etməmişik” - İlham Əliyev 5 mart 2021, 23:00 “Muğan Bank”da yanğın - FOTO 5 mart 2021, 22:51 Dünyada qum qıtlığı gözlənilir 5 mart 2021, 22:38 Pakistan Hava Yolları Bakıya birbaşa uçuşlara başlıyır 5 mart 2021, 22:25 YAP Veteranlar Şurasının tam tərkibi məlum oldu - SİYAHI 5 mart 2021, 22:11 Qarabağa qaytarılacaq ilk köçkünlər onlar olacaq - Prezident AÇIQLADI 5 mart 2021, 21:59 BP şirkətində yeni təyinat 5 mart 2021, 21:48 Mübariz Mənsimovun azadlıqdan ilk videosu 5 mart 2021, 21:34 Prezident Tofiq Nağıyevi təltif etdi 5 mart 2021, 21:21 İlham Əliyev: Bir neçə partiyanın YAP-a birləşməsi partiyamızı gücləndirəcək - TAM MƏTN 5 mart 2021, 21:10 “Real Madrid” Ronaldoya qanunsuz ödəniş edib 5 mart 2021, 20:59 XİN məlumat yaydı 5 mart 2021, 20:48 İlham Əliyev YAP-ın yeni proqramının hazırlanması barədə tapşırıq verdi 5 mart 2021, 20:41 Mingəçevirdə məktəbli oğlan itkin düşdü - FOTO 5 mart 2021, 20:30 Ceyhun Bayramov Zoltan Hernyeşlə görüşdü - FOTO 5 mart 2021, 20:17 Zirehli maşınlar təlimə çıxarıldı - VİDEO 5 mart 2021, 20:04 Türkiyə və Yunanıstan hərbçiləri danışıqlar apardı 5 mart 2021, 19:55 Ermənistan ordusunun Baş Qərargahından növbəti AÇIQLAMA 5 mart 2021, 19:43 Gəncədə miktoavtobus aşıb, yaralılar var 5 mart 2021, 19:35 TamKart sahibləri ƏDV faizlərini 30 gün gözləmir 5 mart 2021, 19:24 Neft qiymətləri 70 dolları keçə bilər 5 mart 2021, 19:17 Bakının bu küçə və prospektlərində tıxac var - SİYAHI 5 mart 2021, 19:05 Ərdoğan Merkellə videoformatda görüş 5 mart 2021, 18:55 Ötən ay 70 diplomun tanınmasından imtina edilib 5 mart 2021, 18:47