Azərbaycan ABŞ-dən minalardan təmizləmə sahəsində texnologiya və metodlarla bağlı dəstək gözləyir.
Modern.az xəbər verir ki, Azərbaycanın ABŞ-dəki səfiri Xəzər İbrahim bu barədə Axios-a müsahibəsində danışıb.
Səfir bildirib ki, Azərbaycan minalarla ən çox çirklənmiş ölkələrdən biridir və xüsusilə adambaşına düşən mina çirklənməsi göstəricisinə görə ağır vəziyyətlə üzləşib.
Xəzər İbrahim qeyd edib ki, Azərbaycan minalardan təmizləmə istiqamətində yeni texnologiya və metodların axtarışını davam etdirir və bu sahədə ABŞ-nin dəstəyinə ümid edir.
