Tehranda qondarma “erməni soyqırımı”nın 101-ci ildönümü ilə bağlı aksiya keçirilməyib.
Bu barədə Modern.az-a İranın Azərbaycandakı səfirliyinin mətbuat şöbəsinin müdiri Məhəmmədrza Nəcəfi bildirib.
Onun sözlərinə görə, guya həmin aksiyada Azərbaycan əleyhinə şüarlar səsləndirilməsi barədə bəzi KİV tərəfindən yayılan məlumatlar əsassızdır.
Səfirlik rəsmisi deyib ki, bu kimi xəbərlər günü-gündən inkişaf edən Tehran-Bakı münasibətlərinə kölgə salmaq məqsədi daşıyır.
Nəcəfi mediaya müraciət edərək onları dəqiq xəbərlər yaymağa və İran -Azərbaycan əlaqələrinin inkişafında müsbət rola malik olmağa çağırıb.
Aqşin KƏRİMOV
