Rusiya prezidenti Vladimir Putin və Türkiyənin baş naziri Rəcəb Tayyib Ərdoğan gələn ay Moskvada görüşəcək. Modern.az bildirir ki, bu barədə Rusiya xarici işlər nazirinin müavini Aleksey Meşkov bildirib. O qeyd edib ki, görüş iki ölkə arasında yaradılmış Ali Əməkdaşlıq Şurasının dördüncü iclası zamanı keçiriləcək.
“Hazırda Şuranın dördüncü iclasına hazırlaşırıq. Yüksək səviyyəli iclasın payızın sonunda keçirilməsi razılaşdırılıb”-deyə A.Meşkov vurğulayıb.
Nazir müavini bildirib ki, Putinlə Ərdoğanın görüşü zamanı bir sıra iqtisadi layihələr, beynəlxalq və regional vəziyyət müzakirə ediləcək.
X.SƏFƏROĞLU
