Son günlər bulvara musiqili fəvvarəyə tamaşa etməyə gedənlər kor-peşman geri qayıdırlar. Paytaxt sakinləri musiqili fəvvarənin işləmədiyini və bu səbəbdən də qoşulmadığını deyirlər.
Xatırladaq ki, fəvvarənin layihəsi İtaliyada hazırlanıb və musiqili fəvvarə dünyada yeganədir. Layihənin müəlliflik hüququ Azərbaycana məxsusdur. Fəvvarənin hovuzunda Braziliyadan hazır gətirilən ağ kristallik mərmərlər, ətrafa isə Yaponiya texnologiyası əsasında hazırlanan qranit döşənib. Fəvvarənin ətrafındakı işıqlandırma sistemi yapon mütəxəssislərinin ideyasıdır. Fəvvarə və nasoslar zirzəmidə quraşdırılan avtomatik sistemlə idarə olunur.
Musiqi kompozisiyası Çaykovski, Ştraus və Sviridovun əsərləri, habelə Alim Qasımovun ifa etdiyi muğam əsasında hazırlanıb.
Gültəkin ƏLƏSGƏR
