Qiymətlər keçən ilin müvafiq dövrünə nisbətən 2.3 faiz artıb
Dövlət Statistika Komitəsinin məlumatına görə, istehlak mallarının qiymətləri və xidmət tarifləri oktyabr ayında əvvəlki ayla müqayisədə 0.7 faiz, 10 ay ərzində isə keçən ilin müvafiq dövrünə nisbətən 2.3 faiz bahalaşıb. Ərzaq məhsullarının qiymətləri göstərilən dövrlərdə müvafiq olaraq 1.2 faiz və 2.2 faiz, qeyri-ərzaq mallarının qiymətləri 0.4 faiz və 0.5 faiz, xidmət tarifləri 0.2 faiz və 3.4 faiz bahalaşıb.
