“Abunə kampaniyası davam edir. Çox təəssüf ki, borcumuz çoxdur. Borcumuzu ödəyəndən sonra belə “Azərbaycan” nəşriyyatına 12 min manat borcumuz qalıb”. Bunu Modern.az-a açıqlamasında “Azadlıq” qəzeti baş redaktorunun birinci müavini Rahim Hacıyev bildirib. “Qəzetin vəziyyəti ağır olaraq qalır. Çünki bank hesabı bağlıdır və məhkəmə bütün yayım strukturlarına bizə ödəniş etməyi qadağan edib”.
Qeyd edək ki, bir müddət əvvəl “Azadlıq” qəzeti nəşriyyata olan borcuna görə çapını dayandırmışdı. Qəzet bundan sonra ianə marafonu keçirtdi və nəticədə fəaliyyətini bərpa etdi.
Misranə Həsənzadə
