Tanınmış yazıçı-publisist, Nazirlər Kabinetinin mətbuat xidmətinin rəhbəri Akif Əli İctimai TV-nin efirində yeni verilişlə tamaşaçılar qarşısına çıxıb. Modern.az-ın xəbərinə görə, "Vətənin Səsi" adlı verilişin mövzusu Azərbaycan diasporu, xaricdə yaşayan azərbaycanlılarla əlaqə, Vətən məhəbbətidir.
Proqramın ilk sayı mayın 3-də gecə saat 00-30-da efirə gedib. Verilişin müəllifi və aparıcı Akif Əlinin özüdür.
Qeyd edək ki, Akif Əli "Mədəniyyət" kanalında efirə gedən "Zaman və məkan" verilişinin də aparıcısıdır.
Xatırladaq ki, İctimai TV-nin efirində bundan öncə diaspor mövzusunda “Qərib axşamlar” verilişi yayımlanırdı ki, onun da aparıcısı telejurnalist Yusif Günaydın idi. Həmin veriliş bir müddət öncə bağlanıb.
A.Qorxmaz
