Modern.az xəbər verir ki, magistratura imtahanlarının ikinci mərhələsində iştirak edən bakalavrlardan 10159-u qəbul proqramında seçimini təsdiqləyib. Onlardan 8900-ü – Azərbaycan, 1259-u – rus bölməsi üzrə imtahan verəcək. Bakalavrların – 4269-u oğlan, 5890-ı isə qızdır. 6101 nəfər ali təhsil müəssisələrinin builki, 4058 nəfəri isə əvvəlki illərin məzunlarıdır. Onlar Bakı, Naxçıvan, Gəncə şəhərlərində imtahan verəcəklər. İmtahan mayın 25-də saat 13:00-da başalanacaq və 1 saat 30 dəqiqə davam edəcək. Bakalavrlara seçdikləri proqram üzrə 5-i açıq tipli olmaqla 50 test tapşırığı təqdim olunacaq. Hər düzgün cavab 1 balla qiymətləndiriləcək, səhv cavablar düzgün cavabların nəticələrinə təsir etməyəcək. İkinci mərhələnin nəticələri elan olunduqdan sonra mayın 29-dan iyunun 1-dək bakalavrlar internet vasitəsilə ixtisaslaşma seçimini yerinə yetirə biləcək. Bu barədə bu gün keçirilən Mətbuat Konfransında Tələbə Qəbulu üzrə Dövlət Komissiyasının sədri Məleykə Abbaszadə məlumat verib.
Rafiq Qənbərov
