Ukraynada keçiriləcək prezident seçkilərinə Müsavat Partiyası müşahidəçi göndərmək istəsə də, bu reallaşmayıb. Bu barədə Modern.az-a Müsavat Partiyası başqanının müavini Gülağa Aslanlı məlumat verib. Onun sözlərinə görə, seçkiləri müşahidə etmək üçün Ukraynadan onlara dəvət gəlməli idi: “Biz Ukraynadakı seçkiləri müşahidə etməyə hazır olduğumuzu bildirmişdik. Amma Ukrayna tərəfi bizi dəvət etmədi”.
Qeyd edək ki, may ayının 25-də Ukraynada prezident seçkiləri keçiriləcək. Azərbaycan tərəfi isə rəsmi olaraq həmin seçkilərə müşahidəçi göndərmir.
Aqşin Kərimov
