Gürcüstanın yeni daxili işlər nazirinin adı məlum olub. Modern.az Gürcüstan mətbuatına istinadən xəbər verir ki, baş nazir İrakli Qaribaşvili yanvarın 26-da baş tutan xüsusi brifinqdə qurumun yeni rəhbəri Vaxtanq Qomelaurini təqdim edib.
O, buna qədər daxili işlər naziri Aleksandr Çikaidzenin 1-ci müavini vəzifəsində çalışıb. Çikaidze yanvarın 23-də cinayət törədən şəxslərə himayədarlıq etməsi ilə bağlı səslənən ittihamlara etiraz olaraq istefa verib.
Yeni daxili işlər naziri Vaxtanq Qomelauri 1975-ci dekabrın 24-də anadan olub. 2001-ci ildə isə Fiziki Tərbiyə və İdman Akademiyasını bitirib. 1994-cü ildə hökumət üzvlərinin mühafizəsi ilə məşğul olan xidmətdə çalışıb. 2013-cü ilə qədər keçmiş baş nazir Bidzina İvanişvilinin mühafizə xidmətinin rəhbəri kimi çalışıb. Qomelauri 2013-cü ildən Gürcüstan Daxili İşlər Nazilriyində nazir müavini vəzifəsində çalışıb. Onun evli və iki uşaq atası olması da məlumdur.
Modern.az
