Ermənistan xüsusi istintaq xidməti çoxsaylı oğurluqla bağlı cinayət işini icraata götürüb. Modern.az Ermənistan KİV-nə istinadən bildirir ki, istintaqdan verilən məlumata görə, dövlət mühafizə xidmətinin yüksək rütbəli polis əməkdaşı A.Eduard və vətəndaş M.Onik sövdələşərək öz “borclarını” Yerevanda yaşayan İran vətəndaşının əmlakını oğurlamaqla ödəyiblər. Onlar 2014-cü il iyulun 12-də M.Renanın mənzilinə soxularaq 200 min dram dəyəri olan məişət cihazlarını oğurlayıblar. Sentyabrın 1-də isə M.Onik D.Safarın mənzilindən 600 min dramlıq qızıl-zinət əşyaları oğurlayıb. Digər İran vətəndaşının mənzilinin qarət edilməsi ilə də bağlı məlumat var. Təqsirkarlara ittiham irəli sürülüb və barələrində həbs qətimkan tədbiri seçilib.
Modern.az
