Tələbə Qəbulu üzrə Dövlət Komissiyası (TQDK) respublikanın peşə liseylərinin sonuncu sinfində təhsil alan şargirdlər üçün martın 15-də keçirilmiş buraxılış imtahanlarının nəticələrini açıqlayıb.
Modern.az xəbər verir ki, nəticələr martın 16-da saat 17:00-dan etibarən TQDK-nın rəsmi internet səhifəsində yerləşdirilib.
Peşə liseylərində keçirilmiş buraxılış imtahanlarında Ana dili və riyaziyyat fənlərinin hər biri üzrə ayrılıqda test tapşırıqlarına verdiyi düzgün cavablarının sayı 8-dən az olmayan şagirdlər müvəffəq qiymət alırlar.
İmtahan nəticələrinə əsasən, imtahanda iştirakı nəzərdə tutulan 5026 şagirddən 203 nəfəri imtahana gəlməyib. 2 şagird imtahan qaydaların pozduğu üçün imtahandan xaric edilmiş və nəticələri ləğv edilib.
Modern.az
