ABŞ prezidenti Barak Obama, Avropa ölkələrinin əksəriyyətinin dövlət başçıları, eləcə də nüfuzlu beynəlxalq təşkilatların rəhbərləri mayın 9-da Moskvada təşkil olunacaq Qələbə paradında iştirakdan imtina edib. Modern.az Rusiya KİV-nə istinadən xəbər verir ki, bununla belə 30 dövlət başçısının bu təntənəli mərasimdə iştirak edəcəyi təsdiqlənib. Həmin gün Moskvaya Azərbaycan, Qazaxıstan, Ermənistan, Tacikistan, Belarus, Qırğızıstan, Çin, Vyetnam, Koreya Xalq Demokratik Respublikası, Niderland, Yunanıstan, Misir və İsrailin dövlət başçılarının səfər edəcəyi daha çox ehtimal olunur.
