Fövqəladə Hallar Nazirliyinin məlumatına görə, bu gün Kürdəmir rayonu, Bakı-Qazax yolunun 195-ci kilometrliyində “MERCEDES-VİTA” markalı mikroavtobusla “MERCEDES” və “VAZ” markalı minik avtomobillərinin toqquşması nəticəsində yol-qəza hadisəsi baş verib.
Nəticədə "VAZ" markalı minik avtomobilində 4 nəfər müxtəlif bədən xəsarətləri alıb, 1 nəfər sərnişin isə aldığı ağır bədən xəsarətlərindən hadisə yerindəcə ölüb. Xəsarət alanlar yanğınsöndürən-xilasedicilərin köməkliyi ilə təcili yardım avtomobilinə mindirilib. Yol kənarına düşmüş meyit isə yanğınsöndürən-xilasedicilər tərəfindən götürülərək aidiyyatı qurumlara təhvil verilib. Hadisə ilə əlaqədar müfaviq qurumlar tərəfindən təhqiqat aparılır.
Modern.az
