ATƏT-in Minsk qrupunun ABŞ-dan olan həmsədri Ceyms Uorlik Azərbaycan-Ermənistan qoşunların təmas xəttindəki gərginliyə münbasibət bildirib.
Modern.az-ın məlumatına görə amerikalı həmsədr Ceyms Uorlik bu barədə özünün twitter səhifəsində yazıb. O bildirib ki, bu cür hərəkətlər Dağlıq Qarabağ münaqişəsinin sülh yolu nizamlanmasına ziyan vurur.
"Dağlıq Qarabağda zorakılığın olması faciədir və bu atəşkəs rejimin pozulması ilə nəticələnir. Tərəflər isə bir-birini ittiham edir. Bu cür hərəkətlər Dağlıq Qarabağ konfliktinin sülh yolu ilə həll ediıməsinə ziyandır",-deyə Ceyms Uorlik yazıb.
Qeyd edək ki, ötən gün Müdafiə Nazirliyinin yaydığı məlumatda bildirilib ki, üdafiənin ön xəttində yerləşən əsgər və zabitlərimiz düşmənə ağır zərbə vuraraq, ermənilərin 20-dək hərbi qulluqçusunu məhv edib və yaralayıb.
Modern.az
