Ukraynanın keçmiş prezidenti Viktor Yanukoviçin kiçik oğlu Viktor Yanukoviçin Sevastopolda dəfn mərasimi keçirilib. Modern.az xarici KİV-ə istinadən xəbər verir ki, Ali Radanın keçmiş deputatının meyiti Simferopol şəhərinə “Mərkəz-Cənub” aviasiya şirkətinin İrkutsk-Ufa-Simferopol çarter reysi ilə gətirilib. Moskva vaxtı ilə saat 13:10-da təyyarə Krım hava limanına enib. Dini mərasimlər yerinə yetiriləndən sonra Yanukoviçin oğlu Sevastopoldakı hərbi qəbiristanlıqda dəfn olunub.
Keçmiş prezidentin oğlunun ölməsi ilə bağlı xəbər martın 22-də yayılıb. Onun Baykal gölünə avtomobillə düşməsi nəticəsində öldüyü bildirilib.
Modern.az
