İsrail əsir düşən əsgərlərini "casus böcəklər" vasitəsilə axtarır. Modern.az-ın xarici KİV-lərə istinadən verdiyi xəbərə görə, İsrail Qəzzada əsir düşən əsgərlərini "uçan elektron böcəklər" lə axtarır.
Fələstinlilərə görə, Qəzzadakı Fələstin müqavimət vahidləri bir müddət əvvəl, uçan elektron böcəklər ələ keçirib. Aparılan araşdırma nəticəsində elektron böcəklərin yaddaşlarında əsir İsrail əsgərlərinin şəkillərinin olması və elektron böcəklərin Qəzzada yerləşən fələstin döyüşçülərinin izlənilməsi üçün istifadə edilməsi kimi iddialar irəli sürülüb.
Elektron böcəklər uzaqdan yalnız sıravi bir böcək və ya kiçik bir quş kimi görünsədə İsrail kəşfiyyatı tərəfindən istifadə edilən casusluq cihazı olduğu bildirilir. Bu böcəklər peyk vasitəsilə obyektlərin yerləri bildirə, kabelsiz şəkildə siqnal verə, uçmaq və kiçik məkanlardan binalara daxil olma bilmə xüsusiyyətlərinə malikdir.
Xatırladaq ki, İsrailin Qəzzaya təşkil etdiyi son hücumlar əsnasında, Qəssam Briqadaları, 20 iyul 2014-cü ildə Oron Şaul adlı bir İsrail əsgərini əsir aldığını bildirib.
Şahin Qocayev
