Xəbər verdiyimiz kimi, ötən gün ABŞ və Rusiya arasında məhbus mübadiləsi həyata keçirilib.
Modern.az-ın məlumatına görə, bu, Soyuq Müharibədən sonra Qərb və Rusiya arasında ən böyük məhbus mübadiləsi olub.
Mübadilə çərçivəsində amerikalı jurnalist Evan Gershkoviç və keçmiş ABŞ dəniz piyadası Paul Vilan azad edilib.
Rusiya 16 , ABŞ isə 8 məhbusu azad edib. Rusiya tərəfindən azad edilən məhbuslar cümə axşamı Merilend ştatının Endryus Bazasına enib. Məhbusları ABŞ Prezidenti Co Bayden, vitse-prezident Kamala Harris və onların ailələri qarşılayıblar.
