(İçsəs)
Birüzlü – həqiqətçi, inamlı, ideallı;
İkiüzlü – həqiqətsiz, inamsız, idealsız.
***
Birüzlü – dəyişməz, dediyindən dönməyən, tüpürdüyünü yalamayan;
İkiüzlü – üzsüz, dəyişkən, məkrli, sürüşkən, yarıtmaz olduğu halda yarımaq istəyən.
***
Birüzlü – yalnız həqiqəti sevən, ondan qırağa çıxmaq imkanı olmayan;
İkiüzlü – həqiqətdən boyun qaçıran, ona yağı kəsilən.
***
Birüzlü – biryollu, birsözlü, birəqidəli;
İkiüzlü – yolsuz, ikibaşlı danışan, sıyıq kimi duru, kəsərsiz, mövqesiz.
***
Birüzlü – özgür, qorxmaz, bənzərsiz, güzəştsiz; İkiüzlü – asılı, qorxaq, güzəştli, yazıq.
***
Birüzlü – dönməz, əxlaqlı, ləyaqətli;
İkiüzlü – dönük, əxlaqsız, ləyaqətsiz.
***
Birüzlü – həqiqəti qoruyan, onun yolunda ölümə gedən.
İkiüzlü – həqiqəti qoruya bilməyən, özünü qorumaq üçün həqiqətdən keçən.
***
Birüzlü – könül dincliyinə yetən, anlamsız qayğılara girməyən, qaya kimi sərt, əyilməz;
İkiüzlü – səksəkəli yaşayan, yaxşılıq bacarmayan, ona görə yamanlıqdan əl çəkə bilməyən, yalmançı.
***
Birüzlü – kamil insan, ikiüzlü – naqis adam.
