Azərbaycan Mətbuat Şurasında yeni təyinat olub.
Modern.az xəbər verir ki, Fəridə Ağazadə Mətbuat Şurasının icraçı katibinə müavin təyin edilib.
F.Ağazadə təyinatı təsdiqləyərək bunları deyib:
"Bu gündən fəaliyyətimi Azərbaycan Mətbuat Şurasında icraçı katibin müavini kimi davam etdirəcəyəm. Mənim üçün böyük etimaddır. İnanıram ki, bu etimadı layiqincə doğuruldacağam".
Qeyd edək ki, bu il sentyabrın 24-də Azərbaycan jurnalistlərinin VIII qurultayı keçirilib. Rəşad Məcid MŞ-nın yeni sədri seçilib, həmçinin İdarə Heyətinin yeni tərkibi formalaşdırılıb.
