“Şimal bölgəsində Rusiya pasportlarının yayılması, Rusiya vətəndaşlarının sayının sürətlə artması həqiqətə uyğun olmayan informasiyadır. Məlumat təxribat xarakterlidir”. Bunu Modern.az-a açıqlamasında Qusar rayonundan deputat seçilmiş Azər Badamov bildirib. “Düşünürəm ki, hüquq-mühafizə orqanları bununla bağlı araşdırma aparmalı, əsassız məlumatları yayanları tapmalıdır. Çünki Qusar rayonunda belə bir hal olmayıb və ola da bilməz. Qusarlılar hər zaman dövlətə və dövlət başçısına sadiqdir, dövlətimizi sevirlər. Bölgədən seçilmiş millət vəkili olaraq bunu əminliklə deyirəm”.
Gülşən Raufqızı
