Armaniston Bosh vaziri Nikol Pashinyanning yaqin kelajakda Turkmanistonga ish safari bilan borishi ma'lum qilindi. Tashrif ikki davlat o'rtasidagi siyosiy muloqot va amaliy hamkorlikni rivojlantirishga imkon berishi aytilmoqda.
Modern.az xabar berishicha, bu haqda “Turkmenportal” Armanistonning Turkmanistondagi elchisi Arsen Avakyanga tayanib ma'lumot tarqatgan.
Avakyan Ashxobodda Turkmaniston mustaqilligining 35 yilligi munosabati bilan o'tkazilgan qabul marosimida Pashinyanning tashrifi ikki davlat o'rtasida siyosiy muloqotni davom ettirish va amaliy hamkorlikni rivojlantirish uchun qo'shimcha imkoniyatlar yaratishini aytgan.
Bundan tashqari, Turkmaniston Prezidenti Serdar Berdimuhamedovning Armanistonga javob tashrifi ham kutilayotgani ma'lum qilingan.
Tashrif 2026-yilda Armanistonda bo'lib o'tadigan BMTning Biologik xilma-xillik to'g'risidagi konvensiyasi tomonlarining 17-konferensiyasi – COP17 bilan bog'liq bo'lishi qayd etilgan.
