Arxiv
27 İyun 2018, 10:25 | MÜSAHİBƏ
Binəqədinin yeni İCRA BAŞÇISI: “İşində nöqsanı olan şəxslərlə yollarımızı ayıracağıq” - MÜSAHİBƏ  

Ölkə başçısının 6 iyun 2018-ci il tarixli sərəncamı ilə Binəqədi Rayon İcra Hakimiyyətinin başçısı vəzifəsinə təyin edilmiş E.Allahverdiyev Modern.az saytına müsahibə verib. İcra başçısının mediaya ilk müsahibəsini təqdim edirik:
 

- Elxan müəllim, ilk olaraq Sizi təyinatınız münasibətilə təbrik edirik. Bir az özünüz barədə məlumat vermənizi xahiş edirik. Bu mühüm posta gələnə qədər hansı sahələrdə çalışmısınız?

- Təbrikiniz üçün təşəkkür edirəm. Əmək fəaliyyətimə 1982-ci ildən başlamışam. 10 il Azərbaycan SSR Elmlər Akademiyasının Torpaqşünaslıq və Aqrokimya İnstitutunda müxtəlif vəzifələrdə çalışaraq elmi fəaliyyətlə məşğul olmuşam. Bundan əlavə, müxtəlif şirkətlərdə rəhbər vəzifələrdə işləmişəm. Fəaliyyətim əsasən koorporativ idarəetmə, maliyyə və  iqtisadiyyatın müxtəlif sahələrini əhatə edib.

- Sizin KapitalBank-ın sədrinin qardaşı olduğunuzu biləndə əksəriyyət bank sahəsində çalışdığınızı düşündü...

- Fəaliyyətim əsasən iqtisadiyyat sahəsinə aid olsa da, sırf bank sahəsində çalışmamışam. Ötən fəaliyyətim ərzində 1 il müddətində Bank olmayan Kredit Təşkilatında rəhbər vəzifədə işləmişəm. 

- Binəqədi rayonunun böyük əraziyə və daha çox əhali sayına sahib olduğunu nəzərə alsaq, fəaliyyətinizi necə qurmağı planlaşdırırsınız?

- Bizim əldə rəhbər tutduğumuz əsas sənəd Azərbaycan Respublikasının “Yerli icra hakimiyyətləri haqqında Əsasnamə”, əsas fəaliyyət istiqamətimiz isə vətəndaş məmnunluğudur. Ümumilikdə işimizi rayonun sosial-iqtisadi və mədəni sahələrinin inkişafının təmin edilməsi, vətəndaşların hüquq və azadlıqlarının müdafiəsi, onların rifahının yaxşılaşdırılması və qanunçuluq prinsipləri əsasında quracağıq.

 - Başçı dəyişikliyi Binəqədi sakinlər tərəfindən böyük sevinclə qarşılandı. Onların rəhbər dəyişikliyindən sonra gözlədikləri yeniliklər nədən ibarət olacaq?

- İlk olaraq ötən dövrdə yaranmış problemlərin səbəblərini tapmaq və onların həlli üzərində çalışmaq lazımdır. Bu istiqamətdə yerlərdə və qəsəbələrdə sakinlərimizlə görüşlərimiz başlayıb, səsləndirilən bütün məsələlər, problemlər qeyd olunur və həmin problemlərin həlli istiqamətində tapşırıqlar verilir. Gedişat onu göstərir ki, sakinlərin müraciətləri və onların həlli istiqamətində görüləcək xeyli işlər var.

- Bu gün Binəqədi rayonu ərazisində əsas həlli vacib problemlər nələrdir?

- Sizin də, qeyd etdiyiniz kimi, Binəqədi rayonu əhali və ərazisinə görə Bakı şəhərinin ən böyük rayonlarından biridir. Bu məqamı nəzərə alaraq  hesab edirəm ki, rayonun hazırkı problemlərinin birdəfəlik və effektli həlli üçün hər bir problemə fərdi şəkildə yanaşmaq lazımdır. Həlli vacib olan məsələlər arasında qəsəbədaxili yolların asfaltlanması, qəsəbələrin su təchizatı və kanalizasiya şəbəkəsinin yaxşılaşdırılması, çoxmərtəbəli binalarda lift sistemlərinin yenilənməsi və s. kimi problemləri qeyd etmək olar. Bu problemlərin həlli istiqamətində aidiyyatlı təşkilatlarla birlikdə səmərəli şəkildə işimizi quracağıq.

- Rayonun idarəetmə strukturlarında dəyişiklik gözlənilirmi?

- Yuxarıda qeyd etdiyim kimi, işimizdə əsas prinsip vətəndaş məmnunluğudur. Bu prinsiplə işləyən, dövlətimizə, xalqımıza xidmət edən kadrlar işlərində davam edəcək, işində nöqsanı olan şəxslərlə isə təbii ki, yollarımızı ayırmalı olacağıq. Ölkəmizdə uğurla aparılan kadr siyasəti rayonumuzda da öz əksini tapacaq.

- İllərdir rayonda tikinti sahəsində xoşagəlməz hallar hökm sürürdü. Xüsusilə qanunsuz ödənişlərin alınması müqabilində sənədsiz evlərin tikintisi və s. Bu kimi hallarla bağlı hansı tədbirlər görüləcək?

- Biz hüquqi, konstitusiyalı bir dövlətə sahibik. Bütün məsələlər kimi, tikinti məsələsi də qanunvericiliyin tələblərinə uyğun olaraq tənzimlənməlidir. Tikinti sahəsində mövcud olan  problemlərin həlli istiqamətində konkret tədbirlər görüləcək və qeyd olunan fəaliyyət müvafiq qanunvericiliyə uyğun formada reallaşdırılacaq.

 - Binəqədidə daha hansı yeniliklərin şahidi ola biləcəyik?

- Hazırda ərazidə sakinlərlə görüşərək onların müraciətlərini öyrənməklə  məşğuluq. Buna baxmayaraq, vətəndaşların rifahını yaxşılaşdırmaq və rayonun sosial-mədəni həyatını zənginləşdirməq məqsədilə innovativ ideyaları reallaşdırılması və yeni layihələrin keçirilməsini planlaşdırırıq. Bu sahədə bir neçə dövlət qurumları ilə əməkdaşlıq etmək niyyətindəyik. Eyni zamanda, öz fikirlərini səsləndirmək üçün sakinlərimiz də təkliflərini bizə göndərə bilər. Qeyd edilən istiqamətdə səslənən bütün təklifləri müzakirə etməyə hazırıq.

- Ümumilikdə İcra Hakimiyyətinin fəaliyyəti istiqamətində mətbuatla əlaqələrdə hansı yenilikləri görə biləcəyik. Son tendensiyalara görə, yeni təyin olunan kadrlar mətbuata açıq olmağa üstünlük verir. Rayonla bağlı suallarımıza istənilən vaxt cavab ala biləcəyikmi?

- Hesab edirəm ki, KİV-lərlə iş bizim fəaliyyətimizin vacib hissələrindən biri olacaq. Biz mətbuatla əməkdaşlıq etməyə həmişə hazırıq. Öz növbəmizdə biz də ümid edirik ki, mətbuat nümayəndələri də ölkə prezidenti İlham Əliyevin tapşırıq və tövsiyyələrinə uyğun olaraq həyata keçirdiyimiz işləri insanlara çatdırmaqda bizə dəstək olacaqlar.

BU KATEQORİYADAN OLAN DİGƏR XƏBƏRLƏR
+ Arxiv
Hanoyda AZƏRTAC və Yonhap informasiya agentlikləri rəhbərləri görüşdü 22 Aprel 2019, 16:10 Nazirlik it dişləmələri ilə bağlı müraciət yaydı: “Quduzluq 100% ölümlə nəticələnir!” 22 Aprel 2019, 16:03 Psixoloq onu qınayanlara cavab verdi 22 Aprel 2019, 16:03 Baytarlıq Xidmətindən qoyunlar və keçilərlə bağlı XƏBƏRDARLIQ 22 Aprel 2019, 15:56 Deputat Siyəzəndə şəhid ailələri ilə görüşdü   22 Aprel 2019, 15:32 Həkimin səhvi jurnalistin gözünün tutulması ilə nəticələnib 22 Aprel 2019, 15:27 Məmmədyarov missiyası başa çatan səfiri qəbul etdi 22 Aprel 2019, 15:27 ABŞ səfiri Dillər Universitetində olub   22 Aprel 2019, 15:24 Azərbaycan Dövlət Mahnı və Rəqs Ansamblı birinci oldu 22 Aprel 2019, 15:21 “Azərsu” yeni elektron xidmət istifadəyə verdi   22 Aprel 2019, 15:16 Makedoniyanın Universitet rektoru Azərbaycana gəlir 22 Aprel 2019, 15:11 İşə qəbul olunmaq istəyən müəllimlərin müsahibəsinə başlanıldı 22 Aprel 2019, 15:11 Heydər Əliyev Fondu it dişləyən uşağın müalicəsinə dəstək verəcək   22 Aprel 2019, 15:09 Deputat Rüstəm Xəlilov: “İslahatlar Azərbaycanın sabahına hesablanıb” 22 Aprel 2019, 14:59 Şri-Lankadakı dəhşətli terroru hansı qruplaşma törədib? 22 Aprel 2019, 14:43 Lələtəpədə şəhid olan döyüşçülərin xatirəsi anıldı - FOTOLAR 22 Aprel 2019, 14:40 Azərbaycanəsilli Amerika yazıçısının kitabı nəşr olundu 22 Aprel 2019, 14:39 Gənclər Lenini necə tanıyır? 22 Aprel 2019, 14:33 Erməni general Manvel Qriqoryan həbsdə qalacaq 22 Aprel 2019, 14:22 Tahir İmanov arzusuna çatdı - Mərkəzi küçəyə babasının adı verildi 22 Aprel 2019, 14:15 Ukraynada seçkiləri izləyən deputat: “Problem qeydə alınmayıb” 22 Aprel 2019, 13:54 Danimarkanın ən zəngin adamı terror aktında 3 övladını itirdi   22 Aprel 2019, 13:48 İlham Əliyev Şri-Lanka Prezidentinə başsağlığı verdi 22 Aprel 2019, 13:38 Vergilər Nazirliyi: Sahibkarlar yanlışlara yol verirlər 22 Aprel 2019, 13:33 Neft son 6 ayın rekordunu QIRDI 22 Aprel 2019, 13:25 Bakı Ali Neft Məktəbinin təşkilatçılığı ilə SOCAR Forumu başladı   22 Aprel 2019, 13:16 Deputatlar Diaspor Komitəsinin 1 illik fəaliyyətinə QİYMƏT VERDİLƏR 22 Aprel 2019, 13:15 Vəkillər Kollegiyası Elinanın anasına təmənnasız  vəkil tutdu – RƏSMİ 22 Aprel 2019, 13:07 Sabah intensiv yağış olacaq - HAVA PROQNOZU   22 Aprel 2019, 13:02 İt dişləyən uşağın atası FƏRYAD ETDİ: “Həkimlər 40 gün vaxt qoyublar” 22 Aprel 2019, 12:57