Yaponiyanın Hokkaydo adasında baş vermiş güclü zəlzələ nəticəsində həlak olanların sayı 16-ya çatıb, 26 nəfərin itkin düşdüyü bildirilir.
Modern.az xarici KİV-lərə istinadən xəbər verir ki, dağıntıların daha çox baş verdiyi Atsuma qəsəbəsində axtarış-xilasetmə işləri davam etdirilir.
Hokkaydo adasında 3 milyona yaxın ev təsərrüfatı elektrik enerjisiz qalıb.
Sentyabrın 6-da səhər saatlarında Hokkaydo adasının İbura rayonunda baş verən 6,7 bal gücündə zəlzələ geniş ərazidə dağıntılara səbəb olub. Yeraltı təkanların ocağı 37 kilometr dərinlikdə yerləşib.
