UEFA Avropada Çempionlar Liqası və Avropa Liqasından başqa, üçüncü turnir təşkil etməyə hazırlaşır.
Modern.az xəbər verir ki, bu barədə Avropa Klublarının Assosiasiyasının prezidenti Andrea Anyelli bildirib. O deyib ki, bununla bağlı UEFA ilə danışıqlar başa çatmaq üzrədir: "Bu turnirin 96 komandanın iştirakı ilə 2021/2022 mövsümündən başlanacağı gözlənilir".
Yeni turnirin formatı barədə məlumat verilməyib.
Avropa mətbuatı Çempionlar Liqasında komanda sayının eyni qalacağını, Avropa Liqasındakı komandaların sayının isə 48-dən 32-yə endiləcəyini yazıb. Yeni turnirdə UEFA-ya üzv olan ölkələrin kubok turnirlərinin qaliblərinin iştirak edəcəyi iddia olunub.
