Milli Məclisin deputatı Araz Əlizadə xəstəxanaya yerləşdirilib.
Modern.az xəbər verir ki, APA-nın əldə etdiyi məlumata görə, deputat Araz Əlizadə bir neçə gün bundan öncə böyrək çatışmazlığından “Caspian International Hospital”a yerləşdirilib.
Deputatın müalicəsi hazırda xəstəxananın reanimasiya şöbəsində davam etdirilir.
Məlumatı “Caspian International Hospital”dan da təsdiqləyiblər.
Qeyd edək ki, Araz Əlizadə həm də Azərbaycan Sosial Demokrat Partiyasının (ASDP) sədridir.
