Paytaxtda bıçaqlanma hadisəsi baş verib.
Modern.az xəbər verir ki, hadisə Sabunçu rayonu, Bilgəh qəsəbəsində qeydə alınıb.
Belə ki, 1983-cü il təvəllüdlü Məmmədov Vüqar Əkrəm oğlu tanıdığı şəxs tərəfindən yaşadığı evin həyətində bıçaqlanıb.
Yaralı təcili yardımın köməyi ilə 3 nömrəli Şəhər Klinik Xəstəxanasına çatdırılıb. Müayinə zamanı onda sol saidin və əlin kəsilmiş-deşilmiş bıçaq yaraları aşkarlanıb.
Faktla bağlı araşdırma aparılır. (Report)
