“Qarabağ” futbol klubu Portuqaliyanın "Vitoriya" klubunun hücumçusu Abdul-Aziz Yakubunun keçidini tamamlayıb.
Modern.az xəbər verir ki, Ağdam təmsilçisi 22 yaşlı hücumçunun transferinə 1,5 milyon manat ödəyib. Hücumçu klubla 4 illik müqavilə imzalayıb.
Qeyd edək ki, 22 yaşlı hücumçu ötən mövsümü icarə əsasında Portuqaliyanın "Eştoril" klubuna keçirib. Yakubu 34 oyunda 15 qol vuraraq komandanın Premyer Liqaya yüksəlməsində pay sahibi olub.
